"მანჩესტერ იუნაიტედის" ლეგენდების შემადგენლობა უკვე დაკომპლექტებულია. სოლსკიაერი, შერინგემი, იორკი და კოული 1999 წლის თანაგუნდელებს შეუერთდებიან და "მანჩესტერ იუნაიტედის" სხვა ფეხბურთელებთან ერთად "ბაიერნს" უმასპინძლებენ. შეგახსენებთ, რომ მატჩი საქველმოქმედო მიზნით იმართება.

რაც შეეხებათ მცველებსა და ნახევარმცველებს, მათი ვინაობა ადრევე იყო ცნობილი. კარებს ისევ ლეგენდარული შმეიხელი დაიცავს. დაცვაში სტემს, ირვინსა და ნევილებს იხილავთ, ხოლო "92 წლის კლასიდან" ნახევარდაცვაში ნიკი ბატი, დევიდ ბექჰემი და პოლ სქოულზი გამოჩნდებიან.

ამათ გარდა გუნდში რეიმონდ ვან დერი, რონი ჯონსენი, ჰენინგ ბერგი, ვეს ბრაუნი, დევიდ მეი, ბლომქვისტი და გრინინგი იქნებიან.

სოლსკიაერი მოხარულია, რადგან "ოლდ ტრაფორდზე" ფეხბურთელის რანგში დაბრუნების უფლება ეძლევა:

"ძალაინ მიხარია, რომ ამ განსაკუთრებული შეკრების ნაწილი ვხდები. შემდეგი კვირები ბევრს ვივარჯიშებ, რათა დავრწმუნდე, რომ ბოსი ახლა მაინც ამირჩევს მე სასტარტო თერთმეტეულისთვის! (იცინის)"

"უფრო სერიოზულად რომ ვისაუბროთ, დარწმუნებული ვარ, რომ საოცარი საღამო გველის წინ და მიხარია, რომ ჩემი ძველი თანაგუნდელების ნახვა შემეძლება, თან ამით ჩვენს ფონდს თანხების მოზიდვაში დავეხმარებით."

რაც შეეხება შერინგემს, რომელმაც ასევე გოლი გაიტანა "ბაიერნთან" გატანილ მატჩში 1999 წელს, ამაღლებულ განწყობაზეა და მოუთმენლად ელის "ოლდ ტრაფორდზე" დაბრუნებას:

"ძალიან გამიხარდა, რომ "ოლდ ტრაფორდზე" ვბრუნდები. მომწონს ეს გადაწყვეტილება და მიხარია, რომ მატჩი ჩატარდება. ამ გზით მანჩესტერში მცხოვრებ ბავშვებს დავეხმარებით, დარწმუნებული ვარ, რომ დიდი თანხები შემოვა და მოხარული ვარ, რომ ამ ყველაფერში მონაწილეობას მეც ვიღებ."

გულშემატკივრები ასევე მოუთმენლად ელიან სერ ალექსის დაბრუნებას "ოლდ ტრაფორდზე". "მანჩესტერ იუნაიტედისა" და "ბაიერნის" ლეგენდები კიდევ ერთხელ დაუპირისპირდებიან ერთმანეთს და ამჯერად ბავშვებისთვის თანხის მოსაკრებად იბრძოლებენ.