"მანჩესტერ იუნაიტედმა" "მიოლდეს" დაახლოებით 500 ათასი ფუნტი გადაურიცხა მადლობის ნიშნად მას შემდეგ, რაც ოლე გუნარ სოლსკიაერი მთავარ მწვრთნელად გამოაცხადა.

"იუნაიტედმა" გუშინ ოფიციალური განცხადება გაავრცელა ნორვეგიელის მთავარ მწვრთნელად დანიშვნასთან დაკავშირებით და მას სამწლიანი კონტრაქტი გაუფორმა წლიური შვიდი მილიონი ფუნტის ანაზღაურებით.

ამავე ვადის გათვალისწინებით ხელშეკრულებას მოაწერა ხელი სოლსკიაერმა სამ დეკემბერს "მიოდესთან", მაგრამ ორი კვირის შემდეგ "ოლდ ტრაფორდზე" დროებით მწვრთნელად გადაბარგდა, რათა გაძევებული ჟოზე მოურინიოს ადგილი დაეკავებინა.

სწორედ მაშინ გადაუხადა "მიოლდეს" "იუნაიტედმა" 500 ათასი ფუნტი სოლსკიაერის იჯარის წესით აყვანის გამო, ახლა კი, როცა ნორვეგიელ სპეციალისტთან გრძელვადიან კონტრაქტი გააფორმა, იგივე თანხას იხდის ოლე გუნარის ყოფილ კლუბს.

წყარო: espn.com