შაბათს "ოლდ ტრაფორდზე" პრემიერ ლიგა ბრუნდება. სანაკრებო შესვენების გამოტოვება ბევრ მანჩესტერელს მოუწია მიღებული ტრავმისა თუ პირადი მიზეზების გამო.
მარკუს რეშფორდი, ლუკ შოუ, ნემანია მატიჩი და ენტონი მარსიალი იმ ფეხბურთელთა სიაში არიან, რომლებმაც ნაკრების დახმარება ვერ შეძლეს ტრავმების გამო და მანჩესტერში დაბრუნება მოუწიათ. რაც შეეხება რომელუ ლუკაკუს, ბელგიელი ნაკრებთან ერთად გაემგზავრა, თუმცა ვერცერთი მატჩის ჩატარება ვერ შეძლო.
ლუკაკუსთან ერთად ნაკრებში ვერ ითამაშა ვერც ჯესი ლინგარდმა. ვიქტორ ლინდელოფმა კი პირადი მიზეზების გამო შვედეთში გამგზავრება ვერ მოახერხა.
ჯერ კიდევ გაუკრვეველია ზემოთჩამოთვლილთაგან რომელი ფეხბურთელი შეძლებს დაბრუნებას, თუმცა ალექსის სანჩესის შესახებ ინფორმაცია ზუსტია და ჩილელი თამაშის ჩატარებას ნამდვილად ვერ შეძლებს. შეგახსენებთ, რომ მან "საუთჰემპტონთან" გამართულ მატჩში მუხლის ტრავმა მიიღო.
რაც შეეხება ანტონიო ვალენსიას, ეკვადორელი უკვე მზადაა, რადგან ნაკრებში მთლიანი მატჩი ჩაატარა. "იუნაიტედს" უბრუნდება ეშლი იანგიც. შეგახსენებთ, რომ ინგლისელს დისკვალიფიკაციის გამო "ვულვზის" წინააღმდეგ არ უთამაშია.
ზემოთ ჩამოთვლილ ფეხბურთელების გარდა, საეჭვოა ერიკ ბაიის თამაშიც. შეგახსენებთ, რომ მცველმა კოტ-დ'იუვარის მეგობრული მატჩი ეკვადორის წინააღმდეგ ვერ ჩაატარა. ცენტრალურმა მცველმა რუანდასთან დაპირისპირების დროს თავის ტრავმა მიიღო.
წყარო:
ManUtd.com