ფილ ნევილს სჯერა, რომ ოლე გუნარ სოლსკიაერი სერ ალექს ფერგიუსონის "იუნაიტედის" დიდებულებას დააბრუნებს და კიდევ ერთ თავს დაწერს კლუბის ისტორიაში.
ნევილმა და სოლსკიაერმა საერთო ჯამში 200-ზე მეტი მატჩი ჩაატარეს ერთად. ფილი ოლეს მოსვლის დღიდანვე გაოცებული იყო და შესაბამისად, დღევანდელი გადაწყვეტილებითაც ბედნიერია.
"მას ყველაფერი აქვს, რაც კარგ მწრთვნელს სჭირდება. საოცარი პიროვნებაა საოცარი ხასიათით. როდესაც სადმე მივემგზავრებოდით, ის კომპიუტერში ყოველთვის ფეხბურთს თამაშობდა და მწრთვნელის როლს ირგებდა. ამაზე ყველა ვსაუბრობდით და ვხუმრობდით კიდეც."
"ჩვენ ხშირად გვიწევდა ერთად ჯდომა. მას ძალიან კარგად ესმოდა ფეხბურთი, საკმარისზე კარგადაც კი. თამაშში შესვლისთანავე სისწრაფეს კრეფდა და ტემპს ეწეოდა. ამას იმიტომ ახერხებდა, რომ ფეხბურთის მხრივ შინაგან ინტელექტს ფლობდა. დიახ, მას ბავშვის სახე აქვს და დიახ, ის ფანტასტიკური პიროვნებაა, მაგრამ ამ ყველაფრის უკან თან დიდი სირთულეები იმალება."
"მე უბრალოდ შეყვარებული ვარ იმ ყველაფერზე, რაც აქამდე ოლემ გააკეთა და რაც გუნდს მოუტანა. მსიამოვნებს, როცა ისეთ "მანჩესტერ იუნაიტედს" ვუყურებ, ისეთ კლუბს, რომელიც ამ ყველაფრისგან სიამოვნებას იღებს, მაქსიმალურს იღებს გამარჯვებისა და გულშემატკივრის გახარებისთვის და დნმ-ში ჩვენი სისხლი აქვს, ის სისხლი, რომლითაც წლების განმავლობაში ისტორია იწერებოდა. განსაკუთრებული ყურადღება მინდა გავამახვილო მის პრესკონფერენციებზე, ეს უბრალოდ საოცარია. ის ახალგაზრდა ფეხბურთელებს შთააგონებს და გულშემატკივრებსაც მოტივაციას სძენს, მოტივაციას, რომელიც ასე ძალიან სჭირდებათ დღევანდელ ცხოვრებაში."
"სერ ალექსი ხშირად გვეუბნებოდა: "დაუმიზნეთ მთვარეს". "დაუმიზნეთ მთვარეს" და სწორედ ეს არის ის, რასაც ოლე აკეთებს და, რაც ოლემ დაუბრუნა ჩვენს კლუბს."