"იუნაიტედის" ტრავმირებულთა სია.
რომელუ ლუკაკუმ, შესაძლოა, "უოტფორდსა" და "ვულვზთან" გამართული მატჩები გამოტოვოს. შეგახსენებთ, რომ ბელგიელს ტრავმა აწუხებს და ის სრულად ჯერ კიდევ არ გამოჯანმრთელებულა.
ლუკაკუმ ინგლისის თასის მეოთედფინალიც გამოტოვა. როგორც "MEN" იუწყება ბელგიელს გარკვეული დრო სჭირდება გამოსაჯანმრთელებლად. ლუკაკუს ზუსტი დაბრუნების თარიღი ჯერ კიდევ უცნობია. თუმცა "ვულვზის" შემდეგ "იუნაიტედს" რვა დღე აქვს "ბარსელონას" გასამასპინძლებლად და შესაბამისად, შესაძლოა, რომ ის ესპანელებისთვის მზად იყოს.
"იუნაიტედის" ფორვარდმა ტერფის ტრავმა ჩემპიონთა ლიგის მერვედფინალში მიიღო პსჟ-ს წინააღმდეგ. ტრავმა უფრო გართულდა "არსენალთან" გამართულ მატჩში. ლონდონელებთან დაპირისპირების შემდეგ ლუკაკუს მატჩი არ ჩაუტარებია და სანაკრებო შესვენებაც გამოტოვა.
ლუკაკუს ტრავმა "იუნაიტედისთვის" დიდი დანაკლისია. ლუკაკუსთან ერთად ტრავმირებულია ჯესი ლინგარდი, ენტონი მარსიალი, ანდერ ერერა და ხუან მატაც. "იუნაიტედს" შეტევაში დააკლდება ალექსის სანჩესიც. შესაბამისად, ოლე გუნარს შეტევაში პრობლემები აქვს.
როგორც "MEN" იუწყება, ლინგარდის გამოძახება ნაკრებში დიდ რისკებთან იყო დაკავშირებული. გარეთ საუთგეიტი ინგლისელს "ვულვზთან" მატჩამდე და მატჩის შემდეგ ესაუბრა და სწორედ ამის საფუძველზე მიიღო მისი დატოვების გადაწყვეტილება.
წყარო:
M.E.N.