ლუი ვან გაალის განცხადებით, "ტოტენჰემის" ჩაბარება გაცილებით უფრო ჭკვიანური არჩევანი იქნებოდა, ვიდრე "მანჩესტერ იუნაიტედის".

ჰოლანდიელმა პენსიაზე გასვლის შესახებ რამდენიმე დღის წინ განაცხადა. ვან გაალის კარიერა "აიაქსში" დაიწყო 1972 წელს და საერთო ჯამში 47 წელი გაგრძელდა.

ვან გაალმა "ოლდ ტრაფორდზე" ორი წელი გაატარა. პირველ სეზონში პრემიერ ლიგის ოთხეულში მოხვდა, მეორე სეზონში კი მეშვიდე ადგილზე გავიდა, თუმცა "ინგლისის თასის" მოგება მოახერხა.

"ტოტენჰემი" უკეთესი არჩევანი იქნებოდა, რადგან "მანჩესტერ იუნაიტედი" ძველი გუნდია და ვიცოდი, რომ მათი გადაწყობა დამჭირდებოდა."

"არასწორი არჩევანი გავაკეთე? ალბათ, მაგრამ უბრალოდ გულს გავყევი. ჰოლანდიის, გერმანიის, ესპანეთის და უკვე ინგლისის ნომერ პირველ გუნდებში ნამუშევარი მექნებოდა. ასე რომ "იუნაიტედი" ავირჩიე."

"შემადგენლობაში შვიდი ფეხბურთელი 30 წელს იყო გადაცელილი, ამაზე გასაუბრებაზე ყურადღება გავამახვილე. პირველ წელს, ჩემპიონთა ლიგაზე გავედით, მეორე წელს ინგლისის თასი მოვიგეთ."

მეორე სეზონის შემდეგ ხელმძღვანელობამ ვან გაალის გაშვება და ჟოზე მოურინიოს დანიშვნა გადაწყვიტა, რაზეც ლუიმ განაცხადა, რომ მოსალოდნელი იყო.

"წარმომედგინა, როგორ ირჩევდა ვუდვორდი მოურინიოს. ის უმაღლესი კლასის მწრთვნელია. ბევრი ტიტული აქვს მოგებული, გაცილებით მეტი ვიდრე - მე."

"ერთადერთი, რაც არ მომეწონა და მესიამოვნა იყო ის, რომ ვუდვორდი მოურინიოს დაუკავშირდა, ექვსი თვით ადრე იცოდა, რომ ჩამანაცვლებდა და მაინც ჩუმად იყო."

"მე კი ყოველ პარასკევს პრესკონფერენციაზე ჭორების შესახებ უნდა მესაუბრა. წარმოგიდგენიათ სადამდე დაეცა ჩემი, როგორც მწრთვნელის, ავტორიტეტი?"

"ამ პერიოდში, როდესაც ამხელა წნეხის ქვეშ ვიმყოფებოდი და მედია მუდმივად ჩემზე საუბრობდა, ძალიან ბევრს მივაღწიე და ინგლისის თასი მოვიგე, მეტიც, გეტყვით, რომ ეს ყველაზე დიდი მიღწევაა ჩემს კარიერაში."


წყარო: SkySports