სერ ალექს ფერგიუსონის მადლობა სავაადმყოფოს, რომელმაც მისი სიცოცხლე იხსნა.
სერ ალექს ფერგიუსონმა NHS-ს მისი სიცოცხლის გადარჩენისთვის მადლობის ნიშნად 405 ათასი ფუნტი სტერლინგი შესწირა. შეგახსენებთ, რომ ლეგენდარულმა მწრთვნელმა თავის ტვინის ოპერაცია სწორედ ამ სავაადმყოფოში ჩაიტარა 2018 წლის მაისში.
პარასკევ საღამოს, ფერგიუსონმა მანჩესტერის სასტუმროში საქველმოქმედო საღამო გამართა, რითაც თავის შემოწირულობას თანხა კიდევ დაუმატა.
ლეგენდარულმა მწრთვნელმა, რომელიც ახლა 77 წლისაა, სასტუმროს ფული მისი სიცოცხლის გადარჩენისთვის ჩაურიცხა.
ფერგიუსონს თანხების მოძიებაში "ლივერპულის" მწრთვნელი იურგენ კლოპი და მსახიობი ჯეიმს ნესბიტი დაეხმარნენ.
წყაროს მიხედვით, სერ ალექსი მთელი ღამის განმავლობაში საოცარ ფორმაში იყო და სტუმრები მისი ისტორიებით ძალიან გაართო. საღამოს შედეგად ძალიან ბევრი ფული მოგროვდა, მაგრამ სერ ალექსის მოტივაცია მთელი თანხის NHS-ისთვის გადარიცხვა წარმოადგენდა.
საღამოს მუსიკალურად აფორმებდა შოტლანდიური დუეტი The Proclaimers. მათ გულშემატკივრებთან ერთად ფოტოებიც გადაიღეს და ამ გზით დამატებითი შემოსავალიც მიიღეს.
ფერგიუსონი ჯანმრთელობის პრობლემების მოგვარების შემდეგ ხშირად ჩნდება "მანჩესტერ იუნაიტედის" ტრიბუნებზე. გარდა ამისა, შოტლანდიელი ნორვეგიელ მწრთვნელთან მუდმივ კავშირშია და ოლე გუნარს ხშირად აძლევს რჩევებს მიმდინარე მატჩებთან დაკავშირებით.
წყარო:
DailyMail