ოლე გუნარ სოლსკიაერმა ლიონელ მესის შესაჩერებლად სერიოზული გეგმა უნდა მოიფიქროს. შეგახსენებთ, რომ შემდეგ თვეში "ოლდ ტრაფორდი" "ბარსელონას" უმასპინძლებს.
"ბარსას" ფორვარდი ისევ და ისევ საოცარ ფორმაშია. არგენტინელმა ბოლო ექვს მატჩში ცხრა გოლი გაიტანა. მათ შორის მის ანგარიშზე ორი ჰეთ-ტრიკია. სოლსკიაერმა შესაძლოა, მისი ძველი მწრთვნელის გამოცდილება გამოიყენოს და სწორედ ამ გზით ეცადოს მესის შეჩერებას.
ფერგიუსონის შეგირდებს "ბარსელონასთან" დაპირისპირება 2009 და 2011 წლის ჩემპიონთა ლიგის ფინალში მოუწიათ. შეგახსენებთ, რომ "წითლები" ორივე მატჩში დამარცხდნენ. სერ ალექს ფერგიუსონმა ამის შემდეგ მესის შეჩერების გეგმის დაწერა დაიწყო.
"ბარსელონას" ამ ნაწილში დასამარცხებლად ძალიან კარგი ცენტრალური მცველები გჭირდებათ, რომლებიც მყარად იდგებიან თავის პოზიციაზე,"-აცხადებს სერ ალექსი თავის ავტობიოგრაფიაში.
"რიო და ვიდიჩი იმ ასაკში იყვნენ, როცა ისინი საკუთარ სივრცეს იცავდნენ. ამაში ცუდი არაფერია, ყველაფერი სწორია, მაგრამ როდესაც "ბარსელონასთან" თამაშობ ეს საკმარისი არ არის, საერთოდ არ არის."
"გჭირდება მცველები, რომლებიც მხოლოდ მესიზე მოახდენენ კონცენტრაციას და საერთოდ არ იღელვებენ იმაზე, თუ რა ხდება მათ უკან. დავუშვათ, ის მაინც გაცდება, მაგრამ არაუშავს. მეტი სივრცე იქნება მისთვის ჩაკეტილი და ჩვენს კარში დარტყმის შესაძლებლობა მცირდება."
"ამ ყველაფრის შემდეგ მე საკუთარ თავს ვუთხარი: როდესაც "ბარსელონას" ჩემპიონთა ლიგის ფინალში კიდევ დავუპირისპირდებით, სმოლინგსა და ჯონსს, ან სმოლინგსა და ევანსს პირდაპირ მესის მივამაგრებ. არ ვაპირებდი, რომ ლიონელისთვის ისევ მიმეცა ჩვენი წამების უფლება."
თუმცა ფერგიუსონს ამის შანსი აღარ მისცემია, რადგან მან "ოლდ ტრაფორდი" 2013 წელს დატოვა. შესაძლოა, მისი რჩევები ოლე გუნარმა გამოიყენოს.