თბილისი:
მანჩესტერი:
26-03-2019, 11:16
ავტორი: RedGirl,
ნანახია: 877,
კომენტარები: 3
"ენფილდზე" მოპოვებული გამარჯვება საუკეთესო მოგონებაა"
ხუან მატას ყოველკვირეული ბლოგი.
სალამი ყველას,

სეზონის დასასრულს ვუახლოვდებით, ორ თვეზე ნაკლები დაგვრჩა. ყველა მოუთმენლად ველით პრემიერ ლიგის დაბრუნებას "ოლდ ტრაფორდზე". "უოტფორდისთვის" მზად ვართ.

ვარჯიშების მხრივ, ეს კვირა ძალიან პოზიტიური იყო ჩემთვის. ყველა შანსი გამოვიყენე და ყველაფერი გავაკეთე, რათა ინგლისის თასის მატჩში მიმეღო მონაწილეობა. კარგად ვგრძნობ თავს და ყველაფეს გავაკეთებ, რათა გუნდს მაქსიმალურად დავეხმარო.

გასულ კვირას ბევრმა შემახსენეთ, რომ უკვე ოთხი წელი გავიდა იმ დიდებული გამარჯვებიდან "ენფილდზე", სადაც იმდენად იღბლიანი აღმოვჩნდი, რომ "ლივერპულის" კარი ორჯერ დამელაშქრა. ბევრი დრო გავიდა, მაგრამ ყოველგვარი ყოყმანის გარეშე გეტყვით, რომ ეს ერთ-ერთი ყველაზე ბედნიერი მომენტი იყო ჩემს კარიერაში.

ყველაფერმა შესანიშნავად ჩაიარა იმ დღეს... პასები, შეხებები, პირველი გოლი, შემდგომ უკვე მეორეც... იმ მომენტში ჩვენი გულშემატკივრები ზუსტად ჩვენ სიახლოვეს ისხდნენ, ასე რომ მათთან ერთად აღნიშვნის შანსი მოგვეცა. ზოგიერთი ადამიანი ფეხბურთელად გახდომას მხოლოდ იმიტომ გადაწყვეტს, რომ ასეთი მომენტებით იცხოვროს. ყველაზე ამაღელვებელი კი ყოველთვის იმის ხილვაა, თუ როგორ აბედნიერებ გულშემატკივრებს და რამხელა სიამოვნებას ანიჭებ მათ. სწორედ ეს მატებს ამ ყველაფერს აზრს. ეს უბრალოდ დაუვიწყარი დღე იყო.

რაც შეეხება სანაკრებო შესვენებებს, მინდა, რომ ესპანეთს მივულოცო ევროპის საკვალიფიკაციო ეტაპის გამარჯვებით დაწყება. მარტივი მატჩი ნამდვილად არ აღმოჩნდა და ზუსტად ისეთ სტილში ითამაშეს, რომელიც მე მიზიდავს და მომწონს.

ასევე აუცილებლად უნდა აღვნიშნო ინგლისის მიერ აღებული სტარტი. მათ უამრავი გოლი გაიტანეს და თანაც რაღაც ძალიან კარგს ქმნიან. გარეთ საუთგეიტმა ჩვენ ბევრი კარგი რამ დაგვანახა მსოფლიო ჩემპიონატზე და აშკარაა, რომ ამ ახალგაზრდა თაობით ძალიან კარგი გუნდის შექმნას შეძლებს.

და ბოლოს, ლუი ვან გაალმა ახლახანს პენსიაზე გასვლის შესახებ განაცხადა. მინდა, რომ მას ცხოვრებაში ყველაფერი საუკეთესო ვუსურვო და მადლობა გადავუხადო იმ დროისთვის, რაც ჩვენთან ერთად გაატარა (ეს "ენფილდზე" გამართულ მატჩსაც მოიცავს).

ის ბრწყინვალე მწრთვნელი იყო, ყურადღებიანი და პატიოსანი ადამიანი. შესაძლოა, გარედან ყველაფერი სხვანაირად ჩანდა, მაგრამ ჩვენ ძალიან კარგი ურთიერთობა გვქონდა მასთან. შესანიშნავი ადამიანია, მაღალი ღირებულებებით. მადლობა ლუი, ყველაფერს საუკეთესოს გისურვებ.

გეხვევით,
ხუანი.


წყარო: ManUtd.com
მატას ბლოგი
3 კომენტარი
№1
ავტორი: ikeoni
26 მარტი 2019 13:59
  • სიახლეები: 0
  • კომენტარები: 7833
Ra magari adamiania Es kaci ❤️
0
№2
ავტორი: SANDROGRIGA
26 მარტი 2019 23:33
  • სიახლეები: 1
  • კომენტარები: 7927
მატას ბლოგების კითხვა ერთი სიამოვნებაა
0
№3
ავტორი: stepno
27 მარტი 2019 09:51
  • სიახლეები: 0
  • კომენტარები: 4308
კაცი პოზიტივი love
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

23 ნოემბერი 2019, 18:00
შეფილდი
იუნაიტედი
პრემიერ ლიგა
28 ნოემბერი 2019, 19:50
ასტანა
იუნაიტედი
ევროპა ლიგა
30 ნოემბერი 2019, 19:00
იუნაიტედი
ასტონ ვილა
პრემიერ ლიგა
შეფილდი23 ნოემბერი
ასტანა28 ნოემბერი
ასტონ ვილა30 ნოემბერი
SportsRecents.com

შემოგვიერთდი

წინა მატჩები

10 ნოემბერი 2019, 18:00
იუნაიტედი3
ბრაიტონი1
პრემიერ ლიგა
7 ნოემბერი 2019, 23:59
იუნაიტედი3
პარტიზანი0
ევროპა ლიგა
2 ნოემბერი 2019, 16:30
ბორნმუთი1
იუნაიტედი0
პრემიერ ლიგა
ბრაიტონი10 ნოემბერი
პარტიზანი7 ნოემბერი
ბორნმუთი2 ნოემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top