"ბარსელონამ" "მანჩესტერ იუნაიტედს" აცნობა, რომ სემუელ უმტიტის თაობაზე შეთავაზებების განსახილველად მზად არის, თუკი ისეთ წინადადებას მიიღებს, რაც მატიას დე ლიხტის შეძენაში დაეხმარება.

ლა ლიგის ლიდერებს 19 წლის ჰოლანდიელი ჟერარ პიკეს შემცვლელად მიაჩნიათ, მაგრამ "აიაქსი" მასში 85 მლნ. ევროს ითხოვს ფრენკი დე იონგის ტრანსფერის მსგავსად და გარდა ამისა, კატალონიელებს დე ლიხტის აგენტისთვის, მინო რაიოლასთვისაც მოუწევს ბონუსების გადახდა.

თუ "ბარსელონას" სურს, მიუნხენის "ბაიერნის" წინადადება გადაფაროს და ჰოლანდიელი შეიძინოს, რომელიმე ფეხბურთელთან განშორება მოუწევს და უმტიტი არის კანდიდატი, რომლის თაობაზეც კლუბი წინადადებებს მოისმენს.

სხვადასხვა წყაროთა ცნობით, "იუნაიტედის" წარმომადგენლები დღეს საფრანგეთისა და ისლანდიის ნაკრებების მატჩზე იქნებიან, რათა უმტიტის დააკვირდნენ.

"იუნაიტედის" შემაფერხებელ ფაქტორად შეიძლება იქცეს 25 წლის ფეხბურთელის მიდრეკილება ტრავმებისკენ. მას მიმდინარე სეზონში სამი თვე გაუცდა მუხლის ტრავმის გამო, რადგან მიუხედავად ტრავმის სერიოზულობისა, სემუელმა ოპერაციის გაკეთება არ ისურვა.

წყარო: dailymail