ბოლო დროს ძალიან ბევრი იწერებ ანდერ ერერას პსჟ-სთან დაკავშირებულ მომავალზე. ესპანელმა დუმილი დაარღვია და შესაძლო ტრანსფერის შესახებ ისაუბრა.

ნახევარმცველის კონტრაქტი რამდენიმე კვირაში იწურება. თუ ესპანელი და "იუნაიტედი" ახალ კონტრაქტზე ვერ შეთანხმდებიან, ერერას "ოლდ ტრაფორდის" დატოვება თავისუფალი აგენტის რანგში შეეძლება.

"როდესაც მიმდინარე კონტრაქტი სამ თვეში გეწურება სავსებით ლოგიკურია, რომ პრესა შენი შემდეგი კლუბების შესაძლო ვარიანტებს ეძებს. თავიდანვე ვიცოდი, რომ მსგავსი რამეები დაიწერებოდა. ეს სავსებით ნორმარულია, მე მხოლოდ ფეხბურთის თამაშზე ვარ ფოკუსირებული. კიდევ თვენახევარი დარჩა სეზონის დასრულებამდე და ვნახოთ რა მოხდება."

"ყველაფერი დანარჩენი ჩემს აგენტზეა დამოკიდებული. შესაძლოა, რომ კონტრაქტი გავახანგრძლივოთ, ან თუნდაც სხვა კლუბში გადავიდე. ვნახოთ, ბევრს ამ ეტაპზე ვერაფერს გეტყვით."

ნახევარმცველი "იუნაიტედმა" 2014 წელს შეიძინა. ჟურნალისტებმა ჰკითხეს ხომ არ ფიქრობდა, რომ საკუთარი თავი უკვე ამოწურა, რაზეც მათ შემდეგი პასუხი მიიღეს:

"არ მინდა იმაზე ფიქრი, თუ რა მოხდება ოთხ თვეში, ასე რომ არ ვიცი დამთავრდა თუ არა ჩემი ერა პრემიერ ლიგაში. ძალიან სმიასმოვნებს ინგლისის ყველაზე დიდ კლუბში თამაში. გულშემატკივრებს ვუყვარვარ, ფენომენალურად მექცევიან და მეც ყოველთვის ვცდილობ მათ მოსმენას და მათთვის სიამოვნების მინიჭებას. თუმცა არ ვიცი რა მოხდება მომავალში, ეს მხოლოდ ჩემზე არ არის დამოკიდებული."

"ახლა ერთადერთი რაზეც ვფიქრობ არის ის, რომ შემდეგ კვირაში "უოტფორდი" დავამარცხოთ. თუ ამას იმსახურებ და თუ პატიოსანი და კარგად მომუშავე ადამიანი ხარ, მაშინ ყველაფერს შეძლებ. დაველოდოთ."


წყარო: M.E.N.