მაიკ ფელანმა ავსტრალიურ კლუბში მუშაობის სურვილი გამოთქვა. რა თქმა უნდა, მისი მომავალი "იუნაიტედში" განვითარებულ მოვლენებზე იქნება დამოკიდებული.
შეგახსენებთ, რომ ფელანი "ოლდ ტრაფორდზე" ოლე გუნართან ერთად დაბრუნდა. მანამდე კი 56 წლის მწრთვნელი "სენტრალ ქოუსთ მარინერსში" მუშაობდა.
"ეს იმაზეა დამოკიდებული, თუ რა მოხდება შემდეგ თვეებში. რა თქმა უნდა, "იუნაიტედისთვის" ეს დატვირთული დროა, მაგრამ ავსტრალიაში სეზონი დასასრულს უახლოვდება, ამიტომ ვფიქრობ, რომ როგორც კი ინგლისში გადაწყვეტილებას მიიღებენ, "მარინერსთან" მოლაპარაკებებს დავიწყებთ."
"ვფიქრობ, ეს ჩემი კარიერისთვის ძალიან კარგი ვარიანტია. მომწონს, მათთან მუშაობა და, რა თქმა უნდა, მათთან ყოფნას დიდი სიამოვნებით გავაგრძელებდი."
"დანამდვილებით ვერაფერს გეტყვით, ყველაფერი სხვებზეა დამოკიდებული, მაგრამ "მარინერსის" მიმართ ინტერესი ჯერ კიდევ გამაჩნია."