The Sun-ის ინფორმაციით, "მანჩესტერ იუნაიტედი" ზაფხულის სატრანსფერო ფანჯარაზე "ნორვიჩის" ახალგაზრდა მცველის, ბენ გოდფრის გადაბირებას გეგმავს. "წითელი ეშმაკები" ინგლისელის სანაცვლოდ 10 მილიონ ფუნტიანი წინადადების შეთავაზებას აპირებენ.
ოლე გუნარ სოლსკიაერს დაცვის ცენტრის გაძლიერება ახალგაზრდა ფეხბურთელებით სურს, ერთ-ერთი კანდიდატი კი სწორედ გოდფრი გახლავთ.
მანჩესტერელთა სკაუტები მიმდინარე სეზონში 21 წლის მცველის თამაშებს აკვირდებიან. გამონაკლისი არც გასული ტურის შეხვედრა გამოდგა, სადაც მან "როტერჰემს" გადამწყვეტი გოლი გაუტანა და გუნდს მნიშვნელოვანი 3 ქულის მოპოვებაში დაეხმარა.
გოდფრი ამპლუით ცენტრალური მცველია, თუმცა მას ცენტრალურ ნახევარმცველადაც შეუძლია თამაში. მიმდინარე სეზონში 21 წლის ფეხბურთელმა 27 შეხვედრა ჩაატარა, სადაც 2 გოლის გატანა და ამდენივე საგოლე გადაცემის გაკეთება მოახერხა.
ჭორები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.