როგორც უკვე ცნობილი გახდა, მომავალი ზაფხულის სატრანსფერო ფანჯარაზე, ინგლისის ყველაზე ტიტულოვანი კლუბი "მანჩესტერ იუნაიტედი", ოლე გუნარ სოლსკიაერის თაოსნობით, აქცენტს ახალგაზრდა ნიჭიერი ფეხბურთელის შეძენაზე გააკეთებს.

"მანკუნიანელების" სატრანსფერო სია მრავალფეროვანია. სიაში ერთ ერთ ადგილს კი რომან აბრამოვიჩის "ჩელსის", ახალგაზრდა ნიჭიერი თავდამსხმელი კალუმ ჰადსონ-ოდოიც იკავებს. "წითელი ეშმაკები" ფეხბურთელის გადაბირებას ზაფხულში ეცებიან.

18 წლის შემტევით გარდა "მანჩესტერ იუნაიტედისა, გერმანიიდანაც ინტერესდებიან. მიუნხენის "ბაიერნი" და დორტმუნდის "ბორუსიაც" აგრეთვე ცდილობენ ლონდონელებს ხელსაყრელი წინადადებით მიმართონ.

ჰადსონ-ოდოის "ჩელსისთან" კონტრაქტი 2020 წლის ზაფხულში ეწურება. მიმდინარე სეზონში ახალგაზრდა შემტევის პირად აქტივში 24 ჩატარებული მატჩიდან 6 გოლი და ამდენივე საგოლე გადაცემა ირიცხება.