უეინ რუნიმ talkSPORT-თან ინტერვიუში "მანჩესტერ იუნაიტედის" ყოფილ მწვრთნელებზე ისაუბრა. კლუბის ყველა დროის საუკეთესო ბომბარდირმა ლუი ვან გაალი ტაქტიკური თვალსაზრისით საუკეთესო სპეციალისტად დაასახელა, ვისთანც ოდესმე უმუშავია.

"ვფიქრობ, დევიდ მოიესის დანიშვნა ცოტა მოულონდელი იყო, თუმცა მისი 10-წლიანი კარიერა "ევერტონში" დიდებული იყო.

ტაქტიკური თვალსაზრისით ვან გაალი საუკეთესოა, ვისთანაც მიმუშავია. ვგულისხმობ, დაცვითი მოქმედებებისას ფუნქციის მინიჭებას. მასთან მუშაობისას, ყველამ იცოდა თავისი მოვალეობა. უბრალოდ შეტევაში ვერ ვახერხებდით ისე თამაშს, როგორც დაცვაში. რამდენიმე ტიტული მოიგო, მაგრამ ყველაფერი ისე ვერ წარიმართა, როგორც ვიმედოვნებდით" - განაცხადა ლეგენდარულმა ინგლისელმა.

ჰოლანდიელმა სპეციალისტმა "ოლდ ტრაფორდს" 2014 წელს მიაშურა და "წითლების" მთავარი მწვრთნელის პოსტზე დევიდ მოიესი შეცვალა. მაშინ ვან გაალმა 3-წლიანი კონტრაქტი გააფორმა კლუბთან, მაგრამ მხოლოდ 2 წელი გაწვრთნა "იუნაიტედი".

თავის პირველ სეზონში ვან გაალმა "იუნაიტედი" მეოთხე ადგილზე გაიყვანა პრემიერ ლიგაში, რაც წინა სეზონის შედეგის გაუმჯობესება იყო, მომდევნო წელს კი მან ინგლისის თასი მოიგო, თუმცა მთავარი მწვრთნელის პოსტი დაატოვებინეს.