ბასკი არსად წასვლას არ აპირებს.
ანდერ ერერა "მანჩესტერ იუნაიტედთან" კონტრაქტის გახანგრძლივებას აპირებს მიუხედავად იმისა, რომ მისდამი ინტერესს "პარი სენ-ჟერმენი" იჩენს.
29 წლის ესპანელს მოქმედი კონტრაქტი 30 ივნისს ეწურება და ახლის თაობაზე "იუნაიტედთან" მოლაპარაკებებს ზაფხულიდან აწარმოებს, მაგრამ ჯერ შეთანხმებას ვერ მიაღწია.
სხვადასხვა წყაროს ცნობით, ერერა თავისი მომავალთან დაკავშირებით ჯერ გარკვეული არ არის და ამით სარგებლობა სურს პსჟ-ს, რომელიც ასეთ გამოცდილ ფეხბურთელს უფასოდ გადაბირებას უპირებს და მისი საშუალებით ადრიენ რაბიოს სავარაუდო წასვლით გაჩენილ დანაკლისს აინაზღაურებს.
პსჟ მომდევნო სეზონისთვის კიდევ უფრო მეტად ემზადება, რათა ამჯერად მაინც აირიდოს თავიდან ჩემპიონთა ლიგაზე შერცხვენა და ამ მიზნით სხვადასხვა პოზიციების გაძლიერებას ეცდება, თუმცა ამის გაკეთებას ფეხბურთელების გაყიდვებით მიღებული დივიდენდების ხარჯზე აპირებს.
გამომდინარე კონტრაქტის ვადის ივნისში ამოწურვიდან, ერერას იანვრის შემდეგ უფლება აქვს, არაინგლისურ გუნდებთან მოლაპარაკებები აწარმოოს სამომავლო ტრანსფერის თაობაზე, რაც პსჟ-ს ყოველგვარი ფინანსური ხარჯების გარეშე შესძენს ბასკს და მას ოთხწლიან კონტრაქტს შესთავაზებს "პარკ დე პრინსზე".
თუმცა, როგორც მოსალოდნელია, ფრანგული გრანდი საწადელს ვერ მიაღწევს, ვინაიდან ერერა და "იუნაიტედი" მალე შეთანხმდებიან ახალ კონტრაქტზე და პსჟ-ს ალტერნატივის მოძებნა მოუწევს.
წყარო:
espn