სანჩოს მინიშნება "იუნაიტედის" გულშემატკივრებს.
"მანჩესტერ სიტის" ყოფილმა ვინგერმა ჯეიდონ სანჩომ "ტვიტერზე" პოსტი გამოაქვეყნა, სადაც "მანჩესტერ იუნაიტედთან" დაკავშირებულ ტრანსფერზე მინიშნება იყო, მაგრამ მალევე წაშალა.
ეს ყველაფერი რიო ფერდინანდის განცადების შემდეგ მოხდა. ინგლისელ ლეგენდას სანჩოს ნახვა "იუნაიტედში" ძალიან სურს. "Goal"-მა "ტვიტერზე" სანჩოს გოლი გაზიარა და თან ფერდინანდის ინტერვიუდან ამონარიდი მიაწერა:
"ფერდინანდს ძალიან უნდა სანჩოს ხილვა "მანჩესტერ იუნაიტედის" მაისურში."
სანჩომ, რომელიც ახლა ინგლისის ნაკრებში სანაკრებო მოვალეობას ასრულებს, პოსტი გააზიარა და შემდგომ ძალიან სწრაფად წაშალა.
"იუნაიტედს" ძალიან უნდოდა სანჩოს შეძენა "მანჩესტერ სიტიდან", თუმცა ინგლისელი 2017 წელს ბუნდესლიგაში გადაბარგდა. "იუნაიტედი" 18 წლის ფეხბურთელის შეძენას ამ ზაფხულს კიდევ ერთხელ ეცდება.
თინეიჯერი "დორტმუნდში" საოცარ სეზონს ატარებს. მის ანგარიშზე სულ 35 მატჩია, სადაც ცხრა გოლი გაიტანა და 17 ასისტი გააკეთა.
თუ "იუნაიყედს" ინგლისელის შეძენა სურს, მათ თავიანთი რეკორდის მოხსნა მოუწევთ, რადგან სანჩოს ფასი 100 მილიონ ფუნტამდე იქნება.
ფერდინანდი, რომელიც სანჩოს ოჯახთან ახლობლობს, აცხადებს, რომ ეს შენაძენი ნებისმიერ ფასად ღირს.
"მას აუცილებლად ავიყვანდი "იუნაიტედში". ინგლისელი, რომელსაც გამარჯვება სწყურია, ჯერ კიდევ სრულიად ახალგაზრდა, რომელიც ძალიან ნიჭიერია, ეს ყველაფერია, რისი ცოდნაც გჭირდებათ.
"მე ის ჩემი მეგობრებისგან გავიცანი, ჯერ კიდევ მაშინ, როცა სულ პატარა იყო. მის ოჯახსაც იქამდე ვიცნობდი სანამ ის დაიბადებოდა."
"მას სულ სხვა მენტალიტეტი აქვს, სწორედ ისეთი როგორიც "იუნაიტედს" სჭირდება. მენტალიტეტი უპირველესია."
"ამ ბავშვმა "მანჩესტერ სიტი" დატოვა მიუხედავად იმისა, რომ "ქალაქელებს" მისი შენარჩუნება სურდათ. უბრალოდ უთხრა: "ჩემი შესაძლებლობები ამას იმსახურებს და ვფიქრობ, რომ ეს ახლავე უნდა გავაკეთო, თამაში მწყურია, დღესვე, არ გელოდებით." სწორედ ამ მენტალიტეტზე ვსაუბრობ."
"ის ადგა და წავიდა, გააკეთა, რაც უნდოდა და რასაც იმსახურებდა. ამას პატივი უნდა სცეთ."
"ასე რომ თუ ვინმე მეკითხებით ავიყვანდი თუ არა სანჩოს, მარტივ პასუხს გაგცემდით: დიახ, 100 პროცენტით."
წყარო:
M.E.N.