"მანჩესტერ იუნაიტედს" ჩემპიონთა ლიგის შემდეგ ეტაპზე "ბარსელონა" დაუპირისპირდება. მატჩს მთელი მსოფლიო მოუთმენლად ელის.

ოლე გუნარ სოლსკიაერისთვის ეს მატჩი კიდევ უფრო განსაკუთრებულია, რადგან ნორვეგიელი ზუსტად ოცი წლის შემდეგ ბრუნდება სტადიონზე, სადაც სასწაული ჩაიდინა.

კენჭისყრის შედეგების გამოცხადებისთანავე, "ტვიტერზე" უამრავი პოსტი დაიწერა. ერთ-ერთი მათგანში კრის სმოლინგის ფრაზაც იყო მოთავსებული:

"მესის აქვს რაღაც სისუსტეები, რომლებიც მხოლოდ ჩემთვისაა ცნობილი. არამგონია, რომ მსოფლიომ ამის შესახებ იცოდეს, ასე რომ საჯაროდ ამაზე საუბარს არ ვაპირებ."

რა თქმა უნდა, პოსტმა დიდი პოპულარობით ისარგებლა და წარწერა უამრავმა გვერდმა თუ ადამიანმა გააზიარა სოციალურ მედიაში.

ერთ-ერთ პოსტზე, რომლის ავტორიც 'Football Daily' გახლდათ, კრის სმოლინგმა თავისი ოფიციალური ანგარიშიდან კომენტარი დაუწერა: "#fakequote #fakenews" ("ცრუ ფრაზა", "ცრუ ინფორმაცია").

გარდა ამისა, ინგლისელმა სოციალურ მედიაში პოსტიც გამოაქვეყნა, სადაც ძალიან ბევრი იცინა ამ ცრუ ფრაზის გავრცელების შესახებ.


წყარო: M.E.N.