რონ ატკინსონმა დაადასტურა, რომ 35 წლის წინ "მანჩესტერ იუნაიტედს" "ბარსელონას" დამარცხებაში ესპანელების სასტუმროს ადგილმდებარეობა დაეხმარა.

ესპანელებთან მატჩის წინ კი რონ ატკინსონს სჯერა, რომ "ბარსელონას" ქალაქის გულში დაბინავება ყველაზე სწორი გადაწყვეტილება იქნება.

"ერთხელ ვიღაცამ მკითხა, რა იყო მთავარი, რამაც ის მატჩი მოგვაგებინა. მე ვთქვი, რომ წინა ღამე, როცა ესპანელები ქალაქის გულში დავაბინავეთ, სადაც ჩვენი გულშემატკივრები უამრავი ხმაურით აწუხებდნენ (იცინის)."

"სიმართლე რომ გითხრათ, თამაშის ყველა მომენტი მახსოვს. ძალიან ბევრი მატჩი ჩამიტარებია, მაგრამ მსგავსი ატმოსფერო არცერთ თამაშზე ყოფილა. ეს უბრალოდ დაუჯერებელი იყო."

"მარტინ ედვარდსმა მითხრა მატჩის წინ: "ისეთ ხმაურს გაიგებ, რაც აქამდე ჯერ არ მოგისმენია." სტადიონი გუგუნებდა, ისე თითქოს ის 200 000 ადამიანი იმყოფებოდა."

ატკინსონმა 2019 წლის მატჩზეც ისაუბრა, მისი განცხადებით, ესპანელ გიგანტებს ინგლისში მარტივი მატჩი არ ელით.

"დარწმუნებული ვარ, რომ "ბარსასთვის" ურთულესი მატჩი იქნება. ეს რთული თამაშია "იუნაიტედისთვისაც". უნდა ვაღიარო, რომ პარიზში ჩვენი ბიჭების იმედი არ მქონდა, უფრო სწორად ვამბობდი, რომ უშანსოდ იყვნენ, რადგან პსჟ მანჩესტერში საოცარ ფორმაში იყო."

"ყველაფერი შესაძლებელია. "იუნაიტედმა" იმაზე უკეთ უნდა ითამაშოს ვიდრე ოდესმე უთამაშია. ბიჭებმა უმაღლესი კლასის ფეხბურთი უნდა გვაჩვენონ და დარწმუნებული ვარ, რომ ამას შეძლებენ."


წყარო: ManUtd.com