ინგლისის მწრთვნელმა გარეთ საუთგეიტმა დაადასტურა, რომ "მანჩესტერ იუნაიტედის" ფორვარდი მარკუს რეშფორდი ინგლისის ნაკრებს ვერ დაეხმარება.

თავდაპირველად, საეჭვო იყო "წითლების" ფორვარდის ჩეხეთთან თამაში "უემბლიზე", თუმცა როგორც აღმოჩნდა, ის ვერც მონტენეგროსთან მატჩისთვის იქნება მზად.

მიუხედავად იმისა, რომ ფორვარდმა "ვულვზთან" ითამაშა და გოლის გატანაც მოახერხა, ინგლისელს ტრავმა დიდი ხანია აწუხებს და სწორედ ამის გამო მანჩესტერში ბრუნდება.

"ის მთელი კვირა ინგლისის ნაკრების სამედიცინო ჯგუფის ზედამხედველობის ქვეშ იყო. ყველანაირად ვეცადეთ, რომ ვარჯიშები გაეძლიერებინა და თან გუნდთან ერთად ერბინა, თუმცა, სამწუხაროდ, აშკარაა, რომ ის ჩვენი მატჩებისთვის მზად არ არის, ასე რომ კლუბში დავაბრუნეთ. ვერცერთი თამაშის ჩატარებას ვერ შეძლებს," - განაცხადა საუთგეიტმა.


წყარო: ManUtd.com