ესპანელის მოქმედი კონტრაქტი "ოლდ ტრაფორდზე" მიმდინარე სეზონის ბოლოს იწურება და მას ახალი კონტრაქტი ჯერ არ შეუთანხმებია.
ამ სიტუაციას კი თვალს არ აშორებს პსჟ, რომელიც ზაფხულში ერერას უფასოდ გადაბირებას ეცდება და მას ხელფასის სახით კვირაში 150 ათას ფუნტს შესთავაზებს.
29 წლის ფეხბურთელი ოლე გუნარ სოლსკიაერის გუნდის ძირითადი შემადგენლობის წევრია, მაგრამ ახლა კლუბის დატოვების და პარიზში გადასვლის შანსი მიეცა.
"იუნაიტედმა" ფეხბურთელთან მოლაპარაკებებში მნიშვნელოვანი ნაბიჯი გადადგა წინ, მაგრამ პსჟ-ს მხრიდან სამი წლის ვადით შეთავაზებული დიდი თანხა მას უარის თქმის საბაბს აძლევს.
სოლსკიაერს ჯერ კიდევ აქვს ანდერის შენარჩუნების იმედი და უახლოეს თვეებში ამის გაკეთებას ერთ-ერთ უმთავრეს მიზნად ისახავს.