პრემიერ ლიგის ამჟამინდელი მდგომარეობის მიხედვით პირველ ადგილზე "ლივერპული" იმყოფება, ხოლო მეორე ადგილზე "მანჩესტერ სიტი". თუმცა "ქალაქელებს" ერთით ნაკლები მატჩი აქვთ ჩატარებული.
ტიტულისთვის მებრძოლ მტრებს, "იუნაიტედი" საგრძნობლად ჩამორჩება და ამ დროისთვის მეხუთე ადგილზე იმყოფება. რიო ფერდინანდის განცხადებით, "იუნაიტედის" გულშემატკივრებისთვის ორივე გუნდის გამარჯვება მტკივნეული იქნება, თუმცა მაინც ურჩევნია, რომ ტიტული "მანჩესტერ სიტიმ" აღმართოს:
"ყველაზე საშინელი, რაც შეიძლება მოხდეს ეს "ლივერპულის" ჩემპიონობაა. ამ ორი მტრიდან "მანჩესტერ სიტის" ავირჩევდი, რადგან ეს მიგრძვნია, მინახავს, ამ დროს "იუნაიტედს" ფეხბურთელის რანგში წარმოვადგენდი... ასე რომ ვიცი როგორ უნდა გავუმკლავდე ამ ყველაფერს."
"მაგრამ "ლივერპული"? ეს სრულიად სხვა ამბავია, მათ ჩემპიონობაზე უარესი შეგრძნება არ არსებობს. გულშემატკივრები, რომელთა შესახებაც არც კი მსმენია, რადგან 20 წლის განმავლობაში მდუმარედ იყვნენ, უკვე ალაპარაკდნენ, უკვე საუბრობენ ტიტულზე, რომელიც ჯერ არ მოუგიათ და წარმოგიდგენიათ რა მოხდება თუ ისინი რეალურად შეძლებენ ჩემპიონობას?"
"ასე რომ ჩვენთვის გაცილებით უფრო მტკივნეული იქნება "ლივერპულის" ჩემპიონობის ყურება. მაგრამ უნდა აღვნიშნო, რომ ამ ჩემპიონატს საუკეთესო გუნდი იგებს ხოლმე, ასე რომ ვინც ამას შეძლებს, უბრალოდ ყოჩაღ... მეტს ვერაფერს ვიტყვი."