"იუნაიტედის" ნახევარმცველის მომავალი "ოლდ ტრაფორდზე" კვლავ საეჭვოა. თუმცა როდესაც ჟურნალისტებმა მას მომავალი გეგმების შესახებ შეკითხვა დაუსვეს, პოგბამ შემდეგი პასუხი გასცა:
"როგორც ყოველთვის ვამბობდი ხოლმე, "რეალ მადრიდში" თამაში ყველას ოცნებაა. ეს ერთ-ერთი ყველაზე დიდი კლუბია მსოფლიოში."
"მათ ზინედინ ზიდანი წრთვნის და ეს ყველა იმ ფეხბურთელის ოცნებაა, ვისაც ეს სპორტი მართლა უყვარს."
"ახლა მე "იუნაიტედში" ვარ. წარმოდგენა არ გვაქვს, თუ რას მიმზადებს მომავალი, მაგრამ "იუნაიტედში" ვარ და აქ ბედნიერად ვგრძნობ თავს."
"მანჩესტერ იუნაიტედის" ყოფილი მცველის, დენი ჰიგინბოტამის განცხადებით, პოგბა "რეალ მადრიდს" უბრალოდ "ეფლირტავებოდა".
"რა თქმა უნდა, ხალხი ყოველთვის ისაუბრებს "რეალ მადრიდსა" და "ბარსელონას" შესახებ."
"ეს კითხვაა, რომელიც პოლ პოგბას დაუსვეს. "მანჩესტერ იუნაიტედში" ძალიან ბედნიერი ჩანს, ის კარგ მატჩებს ატარებს და ოლეც სწორედ მის ირგვლივ აშენებს გუნდს."
"ვფიქრობ, როცა ფეხბურთელები მსგავს რამეებს ამბობენ, თითქოს თავის კლუბსა და გულშემატკივრებს წარსულში დაშვებულ შეცდომას ახსენებენ და მეტი არაფერი. პოგბა "იუნაიტედში" ბედნიერია."