მარკუს რეშფორდის თამაში ჩეხეთის რესპუბლიკის წინააღმდეგ 2020 წლის ევროპის ჩემპიონატის საკვალიფიკაციო ეტაპზე საეჭვოა. ინგლისელმა ხუთშაბათს ვარჯიში გამოტოვა.

"მანჩესტერ იუნაიტედის" ფორვარდმა ყველასგან განცალკევებით ივარჯიშა, რადგან კოჭის ტრავმა აწუხებს. რეშფორდმა დაზიანება "ლივერპულთან" მატჩის დროს მიიღო.

21 წლის ფეხბურთელი 24 თებერვლის შემდეგ ამ ტკივილით ატარებდა მატჩებს, ასე რომ მისი თამაში პარასკევს საეჭვოა. შეგახსენებთ, რომ ის ხუთშაბათს ვარჯიშებს არ დაესწრო, შესაბამისად, სავარაუდოდ, ჩეხეთთან თამაშს ვერ შეძლებს.

ინგლისელებისთვის ეს სამწუხარო ამბავია, რადგან რეშფორდი საოცარ ფორმაშია. ფორვარდმა მიმდინარე სეზონში 15 გოლი გაიტანა, მათ შორის ბოლო სამ მატჩში ორი გოლი. 15 გოლთან ერთად მის ანგარიშზე 6 ასისტია.


წყარო: SkySports