"მანჩესტერ იუნაიტედის" ლეგენდა რაიან გიგზი ოლე გუნარ სოლსკიაერის შესახებ საუბრობს. მან ყოფილ თანაგუნდელს "ნოუ კამპზე" გამგზავრების წინ რამდენიმე რჩევა მისცა.
შეგახსენებთ, რომ "იუნაიტედი" პირველ მატჩს 10 აპრილს გამართავს "ოლდ ტრაფორდზე". შემდგომ კი "წითლები" ესპანელებს "ნოუ კამპზე" დაუპირისპირდებიან.
"რთულია - ვფიქრობ, ხალხის უმეტესობას "ბარსელონასთვის" თავის არიდება უნდოდა, თუმცა ოლეს ძალიან კარგი მოგონებები აკავშირებს "ნოუ კამპთან". არ ვიცი თავის თავს დასვამს თუ არა სათადარიგოთა სკამზე... მგონი, ამაზე დაფიქრება ღირს!"
"პსჟ-ს დამარცხების შემდეგ, თანაც ამგვარ სიტუაციაში, ვფიქრობ, რომ ბიჭები ძალიან დიდი შემართებით არიან და არ ვფიქრობ, რომ ვინმეს ჩვენი მოწინააღმდეგის რანგში ხილვა გაუხარდება."
სოლსკიაერმა "იუნაიტედი" ჩემპიონთა ლიგის მეოთხედფინალში გაიყვანა. "იუნაიტედმა" ეს ათი ტრავმირებული ფეხბურთელით მოახერხა.
პარიზში მოპოვებული გამარჯვებით ნორვეგიელმა ისტორია დაწერა. უნდა აღინიშნოს, რომ მატჩი ვერ ჩაატარა კლუბის ერთ-ერთმა ყველაზე მნიშვნელოვანმა ფიგურამაც, პოლ პოგბამ.
"ვფიქრობ, რომ ეს ერთ-ერთი ყველაზე გამორჩეული მატჩია, განსაკუთრებით მაშინ, როცა სახლიდან შორს თამაშობ. არავის ეგონა, რომ გავიდოდით, განსაკუთრებით ამდენი ტრავმის პირობებში. პოლ პოგბასაც დისკვალიფიკაცია ჰქონდა. ასე რომ ყველასთვის საწინააღმდეგოს დამტკიცება ძალიან სასიამოვნო შეგრძნება იყო. ვფიქრობ, რომ ეს მატჩი ისტორიაში ერთ-ერთი ყველაზე დიდებული მატჩის სახელით უნდა შევიდეს."