კიდევ ერთი ტრავმირებული ფეხბურთელი.
ნაკრებს "მანჩესტერ იუნაიტედის" კიდევ ერთი ფეხბურთელი ვერ დაეხმარება. ტრავმირებულთა სიას სერბი ნემანია მატიჩიც მიემატა.
შეგახსენებთ, რომ ტრავმის გამო სანაკრებო შესვენებაზე ვერ გავიდნენ ვერც ლუკ შოუ და ვერც ენტონი მარსიალი.
მატიჩმა "იუნაიტედის" ბოლო მატჩში 86 წუთი ითამაშა. ეს მისი დაბრუნებიდან ზედიზედ მეორე თამაში იყო. თუმცა სერბეთის მწრთვნელმა განაცხადა, რომ ნემანია ვერც ვოლფსბურგში ითამაშებს და ვერც ლისაბონში.
"ნემანია ვერც გერმანიასთან ითამაშებს და ვერც პორტუგალიასთან. კლუბში ბოლო თამაში ჩაატარა, მაგრამ მოედანზე მთლიანი მატჩის განმავლობაში არ გაჩერებულა. ტრავმირებულია და ამ მატჩებში ნაკრების დახმარებას ვერ შეძლებს."
მატიჩი "იუნაიტედის" ათი ტრავმირებული ფეხბურთელიდან ერთ-ერთია, რომლებმაც გასულ თვეში თამაშების ჩატარება ვერ მოახერხეს.
შეგახსენებთ, რომ სერბმა ვერც "ლივერპულის" წინააღმდეგ ითამაშა და ვერც "კრისტალ პალასის", "საუთჰემპტონისა" და პსჟ-ს წინააღმდეგ დაეხმარა გუნდს. ის შემადგენლობაში "არსენალთან" მატჩის წინ დაბრუნდა.
მატიჩთან ერთად ტრავმირებულია ჯესი ლინგარდი, ალექსის სანჩესი, რომელუ ლუკაკუ, ლუკ შოუ და ენტონი მარსიალიც, თუმცა სოლსკიაერი იმედოვნებს, რომ ისინი "უოტფორდთან" მატჩის წინ დაბრუნებას შეძლებენ.
წყარო:
M.E.N.