"ბარსელონას" ოფიციალური განცხადებით, ლუის სუარესმა "რეალ ბეტისთან" კვირას გამართულ მატჩში მუხლი დაიზიანა.

ურუგვაელმა ფორვარდმა შესანიშნავი გოლი გაიტანა "ბენიტო ვილიარამინ სტედიუმზე", სადაც თითქმის ყველა მცველი მოატყუა და თავისი გუნდის მესამე გოლი გაიტანა.

ლიონელ მესიმ ამავე შეხვედრაში ჰეთ-ტრიკი გაიფორმა და "ბარსელონა" კიდევ უფრო მიუახლოვდა ტიტულის მოგებას, მაგრამ ამავდროულად უსიამოვნო ფაქტი მოხდა შეხვედრის მიწურულს, როცა ტრავმის გამო სუარესის შეცვლა გახდა საჭირო.

უკვე ცნობილია, რომ ურუგვაელი ნაკრებში არ გაემგზავრა და კატალონიაში დარჩა სამედიცინო კვლევებისთვის, რომელმაც ცხადყო, რომ ლუისი მინიმუმ 2 კვირა ვერ შეძლებს მოედანზე გასვლას.

"ბარსელონა" "ოლდ ტრაფორდს" 10 აპრილს ეწვევა, 6 დღეში კი საპასუხო მატჩს გამართავს "კამპ ნოუზე".

ერნესტო ვალვერდეს ასევე დააკლდება უსმან დემბელე, რომელიც ორივე მატჩს გამოტოვებს "ლიონთან" მიღებული ტრავმის გამო.

წყარო: dailymail