"მანჩესტერ იუნაიტედი", ზაფხულის სატრანსფერო ფანჯრის გახსნისთანავე, აქტიური სატრანსფერო პოლიტიკის გატარებას გეგმავს. ოლე გუნარ სოლსკიაერის შემადგენლობაში საკადრო ცვლილებები აუცილებლად იქნება.

გუნდს დიდი ალბათობით, ასაკში შესული ეკვადორელი მარჯვენა მცველი ანტონიო ვალენსია დატოვებს. წასვლის პირას დგას, იტალიელი უკანახაზელი მატეო დარმიანიც, რომელიც დიდი ხანია სათადარიგო სკამის უცვლელი წევრი გახდა.

გავრცელდა ინფორმაციებიც, რომ "წითელი ეშმაკების" აკადემიის ფეხბურთელი ტაჰიტ ჩონგი, რომელიც პირველი გუნდის შემადგენლობაში გულშემატკივარმა რამოდენიმე მატჩიც იხილა, არენდის წესით ჰოლანდიურ "აიაქსში" მომავალი სეზონიდან იასპარეზებს.

The Sun-ი ავრცელებს ინფორმაციას, რომლის თანახმადაც, მომავალი სეზონიდან "ოლდ ტრაფორდს" კიდევ ერთხელ დატოვებს გუნდის ბრაზილიელი ნახევარმცველი ანდრეას პერეირა. ფეხბურთელის გადაბირებას "ლესტერი" იჯარის წესით გეგმავს.

სულ ცოტა ხნის წინ, ნახევარმცველმა გუნდთან ახალი ერთწლიანი ხელშეკრულება აამოქმედა, თუმცა როგორც ჩანს, სოლსკიაერი ფეხბურთელს ახლა უკვე სხვა გუნდში დააკვირდება.