დე ხეა კვლავ სასურველი კანდიდატია.
მადრიდის "რეალმა" თავის სატრანსფერო სამიზნეთა სიაში დავიდ დე ხეას უპირველეს კანდიდატად შეიყვანა.
ლა ლიგის გრანდში მიაჩნიათ, რომ "მანჩესტერ იუნაიტედსა" და დე ხეას შორის კონტრაქტთან დაკავშირებული გაურკვევლობით სარგებლობა და ესპანელის სამშობლოში დაბრუნება შეუძლიათ.
"იუნაიტედის" აღმასრულებელი დირექტორი ედ ვუდვორდი არ აპირებს დე ხეას მოთხოვნილებების დაკმაყოფილებას და მისთვის იმავე ხელფასის გადახდას, რაც ალექსის სანჩესსა და პოლ პოგბას აქვთ.
დე ხეას მოქმედი კონტრაქტი 2020 წელს იწურება, რაც მას უფლებას აძლევს, იანვარში წინასწარი კონტრაქტი გააფორმოს მისი შეძენის ნებისმიერ მსურველთან.
მადრიდში იციან შეფერხებული მოლაპარაკებების შესახებ და ცხადჰყვეს, რომ "ოლდ ტრაფორდის" მკვიდრებთან შედარებით ისინი უფრო სარფიან წინადადებას შესთავაზებენ მეკარეს, რომელიც "იუნაიტედის" საუკეთესო ფეხბურთელად ოთხჯერ დასახელდა ბოლო 5 სეზონში.
დე ხეა ერთხელ უკვე დასთანხმდა მადრიდულ კლუბში გადასვლას, მაგრამ მაშინ სატრანსფერო ფანჯრის ბოლო დღეს ტექნიკური გაუმართაობის გამო მისი ტრანსფერი არ შედგა.
"ბერნაბეუზე" დე ხეას გადასვლამ ხელი უნდა შეუწყოს ბელგიელი ტიბო კურტუას გაყიდვას, რომელიც მხოლოდ გასულ ზაფხულს შეიძინა კლუბმა. 26 წლის მეკარეს რთული სადებიუტო სეზონი გამოუვიდა მადრიდში და "სელტასთან" ზინედინ ზიდანმა იგი ძირითად თერთმეტეულს მიღმაც დატოვა.
თუმცა, ეს არ ნიშნავს, რომ კურტუას ნერვიულობის მიზეზი მიეცა.
ზიდანმა თავისი გადაწყვეტილება და კარში კეილორ ნავასის გამწესება იმით ახსნა, რომ თავის გამოჩენის შანსი მისცა იმ მოთამაშეებს, ვისაც ყოფილი მწვრთნელი არ ენდობოდა.
როგორც მოსალოდნელია, კურტუა ძირითადი მეკარე იქნება მომდევნო სეზონშიც.
თუმცა, ამის პარალელურად "რეალი" ეძებს კურტუას შეძენით დაინტერესებულ კლუბს. ერთ-ერთი შესაზლებლობა "პარი სენ-ჟერმენი" იქნება, რომელსაც ამავდროულად ნეიმარის შეძენაზე ეკონტაქტებიან.
პსჟ რამდენიმე სეზონის განმავლობაში ეძებს მეკარეს და ასევე იქნება მომდევნო ზაფხულსაც, ვინაიდან ჯანლუიჯი ბუფონს მხოლოდ ერთი წელი დარჩა მოქმედი კონტრაქტის მიხედვით.
წყარო:
dailyrecord