მარკუს რეშფორდის აზრით, სერხიო აგუერო მსოფლიო ფეხბურთში ყველაზე სრულყოფილი ცენტრფორვარდია.

"მანჩესტერ სიტის" თილისმამ მიმდინარე სეზონში 37 მატჩში 28 გოლი გაიტანა და პრემიერ ლიგის ოქროს ბუცის მოგების მთავარი კანდიდატია 18 გოლით.

აგუერომ ბოლო რვა წლის განმავლობაში "სიტის" ყველაზე მნიშვნელოვანი გოლები გაიტანა და ამჟამად კლუბის ისტორიაში საუკეთესო ბომბარდირია.

227 გატანილი გოლით აგუეროს 50-თ მეტი აქვს ამ მაჩვენებელში, ვიდრე ყოფილ საუკეთესო ბომბარდირს ერიკ ბრუკს, თუმცა არგენტინელი ამაზე გაჩერებას არ აპირებს.

რეშფორდსაც სწორედ ამგვარი გეზი აქვს აღებული. 44 გოლის გამტანი 21 წლის ფორვარდი ძლიერ ჩამორჩება უეინ რუნის, რომელმაც "იუნაიტედში" გატარებული 13 წლის განმავლობაში თავის აქტივში 253 გოლი ჩაიწერა.

სანამ ამ შედეგს მიაღწევს, რეშფორდი თავისთვის მისაბაძ მაგალითებს გვისახელებს.

"ვფიქრობ, ყველაზე მრავალმხრივი ფორვარდი სერხიო აგუეროა. ცუდ ფორმაში მყოფსაც კი შეუძლია, სამი ან ოთხი გოლი გაგიტანოს. ეს კი ჩემთვის ერთ-ერთი ყველაზე კარგი მახასიათებელი, რომელიც ცენტრფორვარდს უნდა ჰქონდეს და რაზეც მთელი დღე ვმუშაობ - როცა ცუდად თამაშობ, მაგრამ მაინც გაგაქვს გოლები. ესეც თავისებური უნარია.

ასევე მომწონს ჰარი კეინი, მისი მოძრაობა და პოზიციის შერჩევა - ძალიან ჭკვიანი ფეხბურთელია. ობამეიანგიც მომწონს".

რაც შეეხება "იუნაიტედის" რიგებში მოთამაშე კერპებს: "ჩემთვის გიგზი, ნიკი ბატი, სქოულზი, გარი ნევილი - თითოეული მათგანი იყო მისაბაძი მაგალითი პატარაობისას და ყოველთვის ასე იქნება.

აკადემიის თითოეული ფეხბურთელისთვის ისინი განსაკუთრებულად ძვირფასნი არიან. ასევე იყო რუნი და რონალდუ. ვან ნისტელროიც ძალიან კარგი იყო".

წყარო: M.E.N.