"მანჩესტერ იუნაიტედი" ყველასთვის მოულოდნელად ინგლისის თასის ჩემპიონატიდან გამოვარდა. "წითლები" სანაკრებო შესვენებაზე გავიდნენ და შემდეგ მატჩს "უოტფორდის" წინააღმდეგ გამართავენ 30 მარტს.
"ჩვენ ამ მატჩს აუცილებლად გავაანალიზებთ და ვეცდებით, რომ კარგად გავიაზროთ ჩვენი შეცდომები. ვნახავთ, თუ რისი გაუმჯობესება შეგვიძლია."
"დარწმუნებული ვარ, რომ მწრთვნელი ყველაფერს მოაგვარებს და "იუნაიტედი" უკეთ წარდგება შემდეგ მატჩებში. მინდა, რომ ოლე დარჩეს. ის საოცარი მწრთვნელია და ძალიან დიდ პოზიტივს აფრქვევს."
"ვნახოთ, რა მოხდება სანაკრებო შესვენებების შემდეგ. დაბრუნების შემდეგ პირველი მატჩი ყოველთვის რთული ჩასატარებელია. განსაკუთრებით იმ გუნდისთვის, რომელიც სანაკრებო შესვენებებზე ამდენ ფეხბურთელს უშვებს. "იუნაიტედიდან" თითქმის ყველა სანაკრებო მოვალეობას ასრულებს."
"ვულზვთან" მატჩის შემდეგ ბევრი ვისაუბრეთ და, საბოლოოდ, გადავწყვიტეთ, რომ შემდეგი მატჩისკენ მივმართოთ მთელი კონცენტრაცია. მთავარია, რომ არ დავნებდეთ და ოთხეულში მოსახვედრად ვიბრძოლოთ. ეს ახლა ჩვენი მთავარი მიზანია."
"ჩვენ ახლა ჩვენი შესაძლებლობების მაქსიმუმის გამოვლენა მოგვიწევს ოთხეულში შესასვლელად. ასე მარტივად ამ შანსებს ხელიდან ვერ გავუშვებთ."
"რა თქმა უნდა, "ვულზვთან" გამართული მატჩით არავინაა ბედნიერი. ყველაფერს გავაანალიზებთ. ბევრი გვაქვს სათამაშო. პრემიერ ლიგაში ჯერ კიდევ რვა მატჩი დაგვრჩა და ყველაფრისთვის ბოლო წუთამდე ვიბრძოლებთ. გარდა ამისა, ჩემპიონთა ლიგაც გვაქვს, ასე რომ სეზონის საინტერესო დასასრული გველის."
"ვნახავთ, რისი გაკეთება შეგვიძლია და რამდენად ხარისხიანად. ასეთი მატჩებიდან ყველაფერი უნდა ვისწავლოთ."
"ჩელსი", "არსენალი" და "ტოტენჰემი" ყველაფერს იზამენ ოთხეულში მოსახვედრად. ეს ყველამ კარგად ვიცით."
"თუ სიტუაციას კარგად დააკვირდებით, გაგახსენდებათ, რომ ორი თვის წინ "ჩელსის" 11 ქულით ჩამოვრჩებოდით. ახლა კი გაცილებით უფრო უკეთეს მდგომარეობაში ვართ. ჯერ კიდევ რვა მატჩი დარჩა, ამ თამაშისგან ბევრს ვისწავლით და შემდეგი მატჩებისთვის უკეთესად მოვემზადებით."