ენტონი მარსიალთან ერთად, სანაკრებო შესვენების გამოტოვება მოუწია ლუკ შოუსაც, რადგან მარცხენა მცველმა ტრავმა მიიღო.
შეგახსენებთ, რომ მცველი ნაკრებში 2020 წლის ევროპის ჩემპიონატის საკვალიფიკაციო ეტაპის თამაშებისთვის გამოიძახეს. ინგლისი მატჩს ჩეხეთის რესპუბლიკის წინააღმდეგ გამართავს. "იუნაიტედიდან" ინგლისის ნაკრებში ითამაშებს მარკუს რეშფორდიც.
ინგლისისთვის ეს ძალიან ცუდი ამბავია, რადგან ლუკ შოუსთან ერთად ტრავმირებულია "მანჩესტერ სიტის" დუეტიც, ჯონ სტოუნსი და ფაბიან დელფიც. გარდა ამისა, თამაშს ვერ ჩაატარებს "ჩელსის" რუბენ ლოფტუსიც.
შოუმ "ვულვზის" წინააღმდეგაც ითამაშა, სადაც "იუნაიტედი" 2-1 ანგარიშით დამარცხდა. შესაძლოა, რომ ინგლისელი "იუნაიტედს" ვერც 30 მარტს დაეხმაროს.
ოლე გუნარ სოლსკიაერს რთული პერიოდი უდგას, რადგან ტრავმირებულ ფეხბურთელებს ენტონი მარსიალი და ლუკ შოუ შეემატნენ.