“მანჩესტერ იუნაიტედის“ მწვრთნელი, ოლე გუნარ სოლსკიაერი მოხარული იქნებოდა პოლ სქოულზის ხილვით მის სამწვრთნელო შტაბში.
“იუნაიტედის“ ყოფილმა ნახევარმველმა “ოლდჰემ ატლეტიკი“ გუშინ, სამწვრთნელო კარიერის დაწყებიდან 31 დღეში დატოვა და განაცხადა, რომ დაკისრებულ მოვალეობას ისე ვერ ართმევდა თავს, როგორც მას სურდა.
სქოულზის ხელმძღვანელობით “ოლდჰემმა“ სულ შვიდი მატჩი ჩაატარა და მათგან ერთადერთის მოგება მოახერხა, დანარჩენი 6 მატჩიდან კი 3 წააგო.
აღნიშნული შედეგების შემდეგ ინგლისელმა კლუბის დატოვება გადაწყვიტა, რაც გუშინ აღასრულა. ოლე გუნარი სქოულზს უკვე დაუკავშირდა და თავის შტაბში მისვლა შესთავაზა, მაგრამ პასუხად უარი მიიღო. “კლუბი რომ დატოვა, ამის მიზეზი ექნებოდა, ასე რომ... მას უნდა ჰკითხოთ. თუ ჩვენთან მოსვლა სურს, სიამოვნებით მივიღებთ და ამის შესახებ უკვე ვესაუბრე, მაგრამ არ დამთანხმდა. ასეთია მენეჯმენტი", - განაცხადა ნორვეგიელმა.