“მანჩესტერ იუნაიტედის“ მთავარმა მწვრთნელმა, ოლე გუნარ სოლსკიაერმა განაცხადა, რომ ალექსის სანჩესი კვირას ვარჯიშებს განაახლებს, თუმცა თამაშს რამდენიმე კვირა ვერ შეძლებს.

ჩილელმა შემტევმა ტრავმა პსჟ-სთან მატჩში მიიღო და პირველი ტაიმში დატოვა მოედანი. მას შემდეგ ალექსისმა თავის ყოფილ გუნდთან დაპისპირება გამოტოვა და ვერც ინგლისის თასის მეოთხედფინალურ მატჩში მიიღებს მონაწილეობას.

როგორც ოლე გუნარი აცხადებს, სანჩესი მხოლოდ დამოუკიდებლად ვარჯიშობდა და საერთო ჯგუფს კვირას შეუერთდება.

“კვირას დაგვიბრუნდება, ჯერ ბალახზე არ უვარჯიშია. "ბარსელონაში" თავისიანების სანახავად იმყოფებოდა და კიდევ რამდენიმე კვირა ვერ შეძლებს თამაშს, მაგრამ "ევერტონის", "სიტისა" და "ჩელსის" წინააღმდეგ ჩასატარებელი მატჩების პერიოდამდე რომ მივალთ, სავარაუდოდ, ხელმისაწვდომი იქნება.

იმედი მაქვს, თავის ჩვეულ ფორმას აღიდგენს. ამაში ბოლომდე დარწმუნებული ვერასდროს იქნები, მაგრამ ალექსის ძალიან მონდომებული ადამიანია. მას უყვარს ფეხბურთი და აკეთებს ყველაფერს, რათა დაბრუნდებს და თავისი საუკეთესო თამაში აჩვენოს", - განაცხადა ოლე გუნარმა.

წყარო: M.E.N.