“მანჩესტერ იუნაიტედის“ მთავარი მწვრთნელი ოლე გუნარ სოლსკიაერი აცხადებს, რომ მისთვის მნიშვნელობა არ აქვს, თუ ვინ იქნება მისი გუნდის მომდევნო მეტოქე ჩემპიონთა ლიგაზე, რადგან ნებისმიერ შემთხვევაში მოსაგებად ითამაშებს.
“წითელი ეშმაკები“ დღეს 1/4 ფინალური ეტაპის მეტოქის ვინაობას გაიგებენ, როცა კენჭისყრა ჩატარდება.
პოტენციურ მეტოქეებს შორის ინგლისის სამი გუნდია, რომელთაგან მხოლოდ ერთს არ დაპირისპირებია ნორვეგიელი მწვრთნელის რანგში. “მანჩესტერ სიტიმ“ “შალკეს“ განადგურების შემდეგ “ლივერპულსა“ და “ტოტენჰემთან“ ერთად მოიპოვა მომდევნო ეტაპის საგზური.
საუკეთესო რვა გუნდს შორის არიან “აიაქსი“, “ბარსელონა“, “იუვენტუსი“ და “პორტუც“, რომელიც მრავალჯერადი გამოკითხვის შედეგად, “იუნაიტედის“ გულშემატკივრებისთვის ყველაზე სასურველი მეტოქეა.
თუმცა, იმავე პოზოციას არ იზიარებს ოლე გუნარი, რომელიც მეტოქის ვინაობას მნიშვნელობას არ ანიჭებს:
“რა თქმა უნდა, ბედნიერები ვართ, რომ მეოთხედფინალში გავედით, როგორც ბევრი სხვა კარგი გუნდი. რამდენიმე საათში გავიგებთ, თუ ვინ იქნება ჩვენი მეტოქე. მანამდე კი ძალიან სასიამოვნო იყო სხვა მატჩების ყურება.
ჩემთვის მნიშვნელობა არ აქვს, ვის ვეთამაშებით, რადგან თუ მოსაგებად გადიხარ, ნებისმიერ შემთხვევაში რთული მატჩი გელის“, - განაცხადა სოლსკიაერმა.
ინტერვიუები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.