ბელგიელმა ტრავმა მიიღო.
"მანჩესტერ იუნაიტედის" თავდამსხმელი რომელუ ლუკაკუ ინგლისის თასზე "ვულვზთან" მატჩის მუხლის ტრავმის გამო გამოტოვებს.
ბელგიელმა ტრავმა ჯერ კიდევ პსჟ-სთან მატჩში მარკინიოსთან შეჯახებისას მიიღო, მაგრამ ამის მიუხედავად "არსენალთან" წაგებულ შეხვედრაში მაინც ითამაშა, სადაც ტრავმა გაიღიზიანა.
"იუნაიტედის" სამედიცინო შტაბის ცნობით, რომელუ რამდენიმე კვირას გამოტოვებს და იგი ვერც ბელგიის ნაკრებს დაეხმარება საერთაშორისო მატჩებში.
25 წლის ფეხბურთელი ბოლო პერიოდში შესანიშნავ ფორმაში იმყოფებოდა და 4 შეხვედრაში 6 გოლი გაიტანა.
ოლე გუნარ სოლსკიაერის გუნდი მომდევნო შეხვედრას ხვალ გამართავს და ლუკაკუს გარდა გუნდს ვერ დაეხმარებიან სხვა ტრავმირებული ფეხბურთელებიც, რომელთა რიგებში არიან ანდერ ერერა, ხუან მატა, ჯესი ლინგარდი, მატეო დარმიანი, ალექსის სანჩესი, ანტონიო ვალენსია და ფილ ჯონსი. თუმცა, რამდენიმე მათგანი, შესაძლოა, გამოჯანმრთელდეს, რის შესახებაც დღეს ნორვეგიელი მწვრთნელი თავის პრესკონფერენციაზე ისაუბრებს.
წყარო:
the times