UEFA-ს ოფიციალური ცნობის თანახმად, "მანჩესტერ იუნაიტედი" და "მანჩესტერ სიტი" ჩემპიონთა ლიგის 1/4 ფინალური ეტაპის საშინაო მატჩს ერთ დღეს ვერ ჩაატარებენ.
დღეს თბილისის დროით 15 საათზე "წითელი ეშმაკები" და "ქალაქელები" თავიანთი მეტოქის ვინაობას გაიგებენ და ასევე ცნობილი გახდება, თუ რომელ დღეს სად ჩაატარებენ პირველ მატჩს.
ჩემპიონთა ლიგის მიმდინარე სეზონის მატჩები 9 და 10 აპრილს განახლდება და მასში ოთხი ინგლისური გუნდი მიიღებს მონაწილეობას, რომელთაგან ნებისმიერს აქვს ერთმანეთთან შეხვედრის საშუალება.
თუმცა, როგორც UEFA იუწყება, იმ შემთხვევაში, თუ კენჭისყრის შედეგად მანჩესტერულ გუნდებს პირველი მატჩის საშინაო არენაზე გამართვა ერთსა და იმავე დღეს მოუწევთ, "იუნაიტედი" იძულებული იქნება, მეტოქეს გადაუცვალოს და 1/4 ფინალური ეტაპის პირველი მატჩი სტუმრად ჩაატაროს.
აღნიშნული გადაწყვეტილება განპირობებულია ქალაქ მანჩესტერის პოლიციით მოთხოვნით, რომლებიც ფიქრობენ, რომ ორივე მატჩის ერთ დღეს ჩატარება საფრთხეს შეუქმნის გულშემატკივრებსა და ფეხბურთელებს.
UEFA-მ პირველი მატჩის სტუმრად ჩატარება "მანჩესტერ სიტის" იმიტომ არ დაავალა, რომ "ქალაქელები" საკლუბო რეიტინგში "იუნაიტედზე" მაღლა დგანან.
ახალი ამბები
3 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.