პსჟ-ს ფრანგი ნახევარმცველი, ადრიენ რაბიო კლუბთან ახალი კონტრაქტის გაფორმებას არ აპირებს, ეს კი იმას ნიშნავს, რომ 23 წლის ნახევარმცველი კლუბს ზაფხულის სატრანსფერო ფანჯარაზე თავისუფალი აგენტის სტატუსით დატოვებს.
პარიზელებს რაბიოსთან ახალი ხელშეკრულების გაფორმება სურდათ, მაგრამ მოლაპარაკებებმა შედეგი არ გამოიღო. მხარეებს შორის საუბრები შეწყვეტილია, რაც პსჟ-ს სპორტულმა დირექტორმაც დაადასტურა. ამის გამო, კლუბის მთავარმა მწვრთნელმა, თომას ტუხელმა ის განაცხადიდან ამოაგდო.
The Sun-ის ცნობით, ოლე გუნარ სოლსკიაერს მისი ხილვა "იუნაიტედში" სურს. მანჩესტერული კლუბი მზადაა ფეხბურთელის მოთხოვნები დააკმაყოფილოს, რომელსაც ხელფასის სახით კვირაში 200 ათასი ფუნტი სურს.
რაბიოს სიტუაციას რამდენიმე ევროპული გრანდი აკვირდება, ყველაზე მეტად მისი შეძენით კატალონიის "ბარსელონა" და ტურინის "იუვენტუსი" არიან დაინტერესებულნი. ფრანგს გერმანული გრანდიც აკვირდება, ზაფხულის სატრანსფერო ფანჯარზე მის გადაბირებას "ბაიერნი" ცდილობდა.
23 წლის ნახევარმცველი ფრანგული კლუბის აღზრდილი გახლავთ. მისი სატრანსფერო ღირებულება მინიმუმ 50 მილიონ ევროს შეადგენს, თუმცა, დიდი ალბათობით, პსჟ-ს მისი დათმობა უფასოდ მოუწევს.
ჭორები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.