"მანჩესტერ იუნაიტედის" ფრანგული დუეტი დიდიე დეშამმა ევროპის ჩემპიონატის შესარჩევი მატჩებისთვის გამოიძახა.

პოლ პოგბა და ენტონი მარსიალი მოლდოვასა და ისლანდიის ნაკრებებთან დაპირისპირებაში ერთმანეთს გაუწევენ პარტნიორობას.

მსოფლიო ჩემპიონისგან განსხვავებით, მარსიალი ნაკრების ხშირი წევრი არ არის, თუმცა დეშამი აცხადებს, რომ მის გეგმებში იგი ყოველთვის განიხილებოდა.

"ამ გუნდის წევრი ის ყოველთვის იყო. უბრალოდ ხან ვიძახებთ, ხან - არა. მას გარკვეული ფიტნეს პრობლემები ჰქონდა. მაგრამ როცა სრულად აკონტროლებს თავის შესაძლებლობებს, ფეხბურთელების მოტყუება აღარ არის პრობლემა და თავდამსხმელისთვის საჭირო ყველა უნარი აქვს", - განაცხადა ფრანგების მწვრთნელმა.