შემადგენლობის კიდევ ოთხი წევრი გახდა ცნობილი.
"მანჩესტერ იუნაიტედის" ტრებლის გუნდის შემადგენლობის დაკომოლექტება გრძელდება და ამჯერად ნახევარმცველების ვინაობა გახდა ცნობილი.
სახელოვანი კლას 92-ის წევრები, ნიკი ბატი, დევიდ ბექჰემი და პოლ სქოულზი 2019 წლის 26 მაისს საქველმოქმედო მატჩში მიიღებენ მონაწილეობას, ყოფილი შვედი ვინგერი იესპერ ბლომქვისტი კი ლეგენდების ოთახში იქნება.
ნახევარმცველები შეუერთდებიან 1998/99 წლების სეზონის გუნდის მცველებს, რომელთა რიგებში არიან ძმები ნევილები, იაპ სტამი და დენის ირვინი, დიდებული დანიელი პეტერ შმეიხელი კი კარის დარაჯის პოზიციას დაიკავებს.
გუნდს, რომელსაც ლეგენდარული სერ ალექს ფერგიუსონი გაწვრთნის, თავდამსხმელები უახლოეს კვირებში შეუერთდებიან.
ტრებლის ხელახალი გათამაშების მატჩი მიუნხენის "ბაიერნის" წინააღმდეგ შედგება 1999 წლის ფინალიდან ზუსტად 20 წლის შემდეგ. მატჩისგან მიღებული შემოსავალი მთლიანად დიდი მანჩესტერის ტერიტორიაზე მცხოვრებ ახალგაზრდებს მოხმარდებათ.
1999 წელი "იუნაიტედის" 140-წლიანი ისტორიის ყველაზე გამორჩეული სეზონია და გულშემატკივარს შეუძლია, 26 მაისს "ოლდ ტრაფორდზე" სერ ალექსი და რამდენიმე ლეგენდარული ფეხბურთელი იხილოს ორივე გუნდის რიგებში.
წყარო:
manutd.com