ზაფხულის სატრანსფერო ფანჯრის გახსნისთანავე, "მანჩესტერ იუნაიტედი" აქტიურობას და ახალი სახეების დამატებას გეგმავს. "წითელ ეშმაკებს" სხვადასხვა პოზიციების გაძლიერება სურთ.

მათი უმთავრესი საზრუნავი დიდი ალბათობით დაცვის ცენტრალური ხაზის შესამჩნევად გაძლიერება იქნება. ოლე გუნარ სოლსკიაერის სატრანსფერო სიაში, სხვა მცველებთან ერთად, მაურისიო პოჩეტინოს გუნდის ფეხბურთელი ტობი ალდერვეირელდიც შედის რომელსაც, დღეს გავრცელებული ცნობით "დეზებმა" ფასიც დაადეს.

"ტოტენჰემი" მზად არის საკუთარ უკანახაზელს 30 მილიონი ევროს სანაცვლოდ შეელიოს. იუწყება - Mirror.

ცენტრალური მცველით, "მანჩესტერ იუნაიტედის" გარდა, ტურინის "იუვენტუსი" და კატალონიის "ბარსელონაც" ინტერესდებიან.

შეგახსენებთ, რომ ალდერვეირელდი, "იუნაიტედის" პოტენციურ სატრანსფერო სამიზნედ, ზამთრის სატრანსფერო ფანჯარაზეც ითვლებოდა, მაშინ როდესაც კლუბის ხელმძღვანელის პოსტს, პორტუგალიელი მენეჯერი ჟოზე მოურინიო იკავებდა.