პარასკევს გაირკვევა, თუ ვინ შეხვდება "მანჩესტერ იუნაიტედს" ჩემპიონთა ლიგის მეოთხედფინალში.

ევროპის ელიტარულ ტურნირზე რამდენიმე ძლიერი მეტოქის გავარდნის მიუხედავად, "იუნაიტედს" არ ექნება იმის ილუზია, რომ მეოთხედფინალში იოლი მატჩი ელის. ტურნირზე შემორჩენილ თითოეულ მეტოქეს "იუნაიტედი" მანამდეც დაპირისპირებია ევროპისა თუ შიდა ჩემპიონატის მასშტაბით.

ეს გუნდებია:

"აიაქსი"

რა თქმა უნდა, პარიზში "მანჩესტერ იუნაიტედის" გამარჯვების შემდეგ "აიაქსის" მიერ მადრიდის "რეალთან" საპასუხო მატჩში "სანტიაგო ბერნაბეუზე" მიღწეული შედეგი დიდებულია.

თუ ერიკ ტენ ჰააგის გუნდს დავუპირსპირდებით, ეს "აიაქსისა" და "იუნაიტედის"პირველი შეხვედრა იქნება ჩემპიონთა ლიგაზე, თუმცა მანამდე ეს გუნდები UEFA-ს თასსა და ევროპა ლიგაზე გადაყრიან ერთმანეთს. ყველაზე ბოლო დაპირისპირება "იუნაიტედის" გულშემატკივრად კარგად დაამახსოვრდა, ვინაიდან სტოქჰოლმში გამართულ ფინალში ჟოზე მოურინიოს ყოფილმა გუნდმა 2-0 მოიგო.


"იუვენტუსი"

გუნდი, რომელთანაც "იუნაიტედი" წარსულში დიდ მატჩებს ატარებდა. "წითლები" "ბებერ ქალბატონს" მიმდინარე ტურნირის ჯგუფურ ეტაპზე შეხვდნენ. მიუხედავად "ოლდ ტრაფორდზე" განცდილი მარცხისა, ბოლო სიტყვა მაინც "იუნაიტედმა" თქვა, ვინაიდან ტურინში ხუან მატას საჯარიმო დარტყმითა და გვიანდელი ავტოგოლით გუნდმა მნიშვნელოვანი სამი ქულა მოიპოვა პლეი-ოფში გასასვლელად.

ამ გუნდების დაპირისპირება ევროპის მასშტაბით სულ 14-ჯერ შედგა. 1984 წლის თასების მფლობელთა თასის ნახევარფინალში რონ ატკინსონის ტრავმებით გაწამებულმა გუნდმა მინიმალური სხვაობით განიცადა მარცხი, თუმცა 1999 წელს სერ ალექს ფერგიუსონის შეგირდებმა ბარსელონაში დიდებული საღამოს მოწყობას სწორედ "იუვენტუსის" დამარცხებით ჩაუყარეს საფუძველი.

"მანჩესტერ სიტი"

მიუხედავად იმისა, რომ მეზობლები ევროტურნირის მასშტაბით არასდროს შეხვედრიან ერთმანეთს, როცა სათასო მატჩებზე მიდგება საქმე, "წითლები" და "ცისფერები" შესანიშნავად იცნობენ ერთმანეთს. ინგლისის თასზე სულ 9 შეხვედრა ჩატარდა მათ შორის და 6 შემთხვევაში "იუნაიტედი" იმარჯვებდა, ხოლო ლიგის თასზე ისინი ორმატჩიან დუელში დაუპირისპირდნენ ერთმანეთს. 2010 წელს "ეტიჰადზე" პირველ მატჩში 2-1 დამარცხების შემდეგ ალექს ფერგიუსონის გუნდმა საპასუხო მატჩში ორი მატჩის ჯამში 4-3 მოიგო და "უემბლის" საგზური მოიპოვა, სადაც შემდეგ ტიტული აღმართა.


"პორტუ"

10 წელი გავიდა ჩემპიონთა ლიგაზე "პორტუსთან" უკანასკნელი დაპირისპირების შემდეგ. შთამბეჭდავ გამარჯვებებს შორისაა 1997 წლის მეოთხედფინალში მოპოვებული 4-0 გამარჯვება, ყველაზე ბოლო კი 2009 წლით თარიღდება, როცა ნახევარფინალში "იუნაიტედმა" ორი მატჩის ჯამში 3-2 მოიგო.

"ტოტენჰემი"

რაც შეეხებათ "დეზებს", ამ გუნდს "იუნაიტედი" ერთადერთხელ შეხვდა ევროპულ ტურნირზე - 1963 წლის ევროპის თასების მფლობელთა თასზე. "წითლებმა" პირველ მატჩში განცდილი მარცხი აღმოფხვრეს და "ოლდ ტრაფორდზე" 4-0 იმარჯვეს, საბოლოოდ კი ორი მატჩის ჯამში 4-2 დაფიქსირდა "წითლების" სასარგებლოდ.

რაც შეეხება ბოლო მატჩს, იგი "უემბლიზე" შედგა და "იუნაიტედმა" 1-0 მოიგო მარკუს რეშფორდის გოლის წყალობით. თუ კენჭისყრა "ტოტენჰემს" შეგვახვედრებს, ერთ-ერთი მატჩი ლონდონელთა ახალ სტადიონზე გაიმართება.

"ბარსელონა"

რვა წელი გავიდა მას შემდეგ, რაც "იუნაიტედი" "უემბლიზე" "ბარსელონას" ჩემპიონთა ლიგის ფინალში შეხვდა. ამ ორი გუნდის დაპირისპირება ყოველთვის სანახაობრივი მატჩითა და გატანილი გოლებით სრულდებოდა. ტრებლის მოგების წელს "იუნაიტედმა" "ბარსელონას" ფრედ 3-3 ეთამაშა "ნოუ კამპსა" და "ოლდ ტრაფორდზე", მოგვიანებით კი, 2008 წელს პოლ სქოულზის ბრწყინვალე გოლით დაამარცხა მეტოქე და მოიპოვა მოსკოვში გამართული ფინალის საგზური, საიდანაც ტრიუმფით დაბრუნდა "ჩელსის" დამარცხების შემდეგ. "ბარსელონას" ასევე ვძლიეთ 1991 წელს როტერდამში ევროპის თასების მფლობელთა თასის ფინალში, მაგრამ კატალონიელებმა გვძლიეს 2009 და 2011 წლის ჩემპიონთა ლიგის ფინალებში.

"ლივერპული"

მიუხედავად მდიდარი და ხშირი დაპირისპირებების ისტორიისა, მანჩესტერელი და მერსეისაიდელი წითლები ევროპის მასშტაბით ერთადერთხელ შეხვდნენ ერთმანეთს. ევროპა ლიგის მერვედფინალური დაპირისპირების გამარჯვებული "ენფილდის" მკვიდრი კლუბი გახდა. რაც შეეხება ბოლო დაპირისპირებებს, "ლივერპულმა" 3-1 დაამარცხა "იუნაიტედი" მიმდინარე სეზონის პირველ მატჩში, ხოლო საპასუხოში ოლე გუნარ სოლსკიაერის შეგირდებმა მხოლოდ ერთი ქულის მოპოვება შეძლეს უგოლო მატჩში.

წყარო: Manutd.com

რომელ გუნდს ისურვებთ მეტოქედ 1/4 ფინალურ ეტაპზე?

ბარსელონა

ლივერპული

სიტი

ტოტენჰემი

იუვენტუსი

აიაქსი

პორტუ

ხმის მიცემა შედეგები