ოლე გუნარ სოლსკიაერს შაბათი საღამოსთვის დაცვის როტაცია მოუწევს. ეშლი იანგი დისკვალიფიკაციის გამო ინგლისის თასის ნახევარფინალში თამაშს ვერ შეძლებს.

33 წლის მცველმა გასულ თამაშში ყვითელი ბარათი მიიღო, რომელიც ჩემპიონატში მეორე ყვითელი ბარათი აღმოჩნდა და შესაბამისად შემდეგ მატჩს გამოტოვებს.

მის ადგილს, სავარაუდოდ, დიოგო დალო დაიკავებს, რადგანაც ანტონიო ვალენსია და მათეო დარმიანი ისევ ტრავმირებულები არიან. თუმცა ამ პოზიციაზე პსჟ-ს წინააღმდეგ ერიკ ბაიიმ ითამაშა. რაც შეეხება ფილ ჯონსს, მას "იუნაიტედის" მაისური 9 თებერვლის შემდეგ არ მოურგია.

გარდა ამისა, ტრავმირებულთა სიაში იმყოფება ჩილელი ფეხბურთელი ალექსის სანჩესიც. შეგახსენებთ, რომ ის ლაზარეთში "საუთჰემპტონთან" ჩატარებული მატჩის შემდეგ გაემგზავრა.

მეისონ გრინვუდის დებიუტი პრემიერ ლიგაში "არსენალის" წინააღმდეგ შედგა. როგორც ცნობილია, ის ცუდად გრძნობს თავს და შესაძლოა შემდეგი მატჩისთვის მზად არც იყოს.


ვინ შეიძლება, რომ დაბრუნდეს?

სოლსკიაერის შეგირდებს გასულ შაბათ-კვირას ნემანია მატიჩი და ენტონი მარსიალი დაუბრუნდა. გარდა ამისა, სათადარიგოთა სკამზე იჯდა როხოც.

პარასკევის ვარჯიშებზე ჩვენმა ფოტოგრაფებმა ანდერ ერერასთან ერთად ხუან მატაც და ჯესი ლინგარდიც დააფიქსირეს.

თავად მატამ ორშაბათს ბლოგი გამოაქვეყნა, სადაც აღნიშნა:

"პარასკევს მცირედი დატვირთვით დავიწყე თამაში და როგორც ვიმედოვნებდით ჩემი გამოჯანმრთელება პროგრესშია. იმედი ამქვს, რომ გუნდს მალე შევუერთდები."


წყარო: ManUtd.com