"მანჩესტერ იუნაიტედის" 19-წლამდელთა გუნდი UEFA-ს ახალგაზრდული ლიგის გათამაშებას გამოეთიშა.

ახალგაზრდა "წითლები" დანიაში "მიდტიულანდელ" თანატოლელებს ესტუმრნენ და 3-1 დამარცხდნენ.

მასპინძლები შეხვედრის მე-11 წუთზე ისაკსენმა დააწინაურა, რასაც ანხელ გომესმა პირველივე ტაიმში გოლად ქცეული პენალტით უპასუხა და შეხვედრის პირველი ნახევარი ფრედ დასრულდა.

მიუხედავად 31-ე წუთზე გათანაბრებული ანგარიშისა, "წითლებმა" მეორე ტაიმში მაინც ვერ მოახერხეს მატჩის გადარჩენა და 73-ე წუთზე კვლავ ჩამორჩნენ ანგარიშში. უსაკსონმა კვლავ აიღო მეტოქის კარი და დუბლი გაიფორმა, რასაც 14 წუთში ოლსენმა კიდევ ერთი გოლი დაუმატა და შეხვედრის საბოლოო ანგარიში დააფიქსირა.

ეს შედეგი მოულოდნელი აღმოჩნდა "იუნაიტედისთვის", რომელმაც ჯგუფური ეტაპი დამაჯერებლად დაასრულა პირველ ადგილზე.