მადრიდული გრანდის ახლადდანიშნული მთავარი მწვრთნელი ზინედინ ზიდანი, გუნდში აქტიურ მუშაობას უკვე შეუდგა.
როგორც მოგეხსენებათ, სულ ცოტა ხნის წინ ფრანგმა პერესის კლუბში დაბრუნების გადაწყვეტილება მიიღო მიუხედავად იმისა, რომ სპორტული ტაბლოიდები მას ტურინულ გრანდს უკავშირებდნენ.
ფრანგის სატრანსფერო მიზნებსა და გეგმებში, "წითელი ეშმაკების" 25 წლის ნახევარმცველი პოლ პოგბაც შედის. ზიდანი ფეხბურთელის გადაბირებას ზაფხულის სატრანსფერო ფანჯრის გახსნისთანავე ეცდება, იუწყება Sports Mole.
პოგბას მიმდინარე კონტრაქტი კლუბთან 2021 წლამდე აკავშირებს. აქამდე გავრცელდა ინფორმაციებიც, რომ "მანჩესტერ იუნაიტედმა" პოგბას ფასი დაადო და მის სანაცვლოდ 150 მილიონ ევროს მოითხოვს.