შემტევი სტილის მოყვარული მწვრთნელისთვის გუნდის სუსტი წერტილი თავდასხმაა.
ოლე გუნარ სოლსკიაერი მზად არის, დაცვის ცენტრის გაძლიერებაზე 80 მლნ. ფუნტი არ დახარჯოს და არსებულ ფეხბურთელებს მისცეს თავის გამოჩენის შანსი, სანამ პრობლემის არსებობის საკითხი დადგება.
ნორვეგიელის პრიორიტეტულ სამიზნეს მარჯვენა ვინგერი წარმოადგენს და ამ პოზიციაზე საუკეთესო კანდიდატად ინგლისელი ახალგაზრდა, ჯეიდონ სანჩო მიაჩნია.
"იუნაიტედი" ასევე დუგლას კოშტას ვარიანტსაც განიხილავს, რომელსაც "იუვენტუსში" არასახარბიელო მდგომარეობა აქვს, თუმცა არსებობს მესამე ვარიანტიც ივან პერიშიჩის სახით, რომელიც ჩვეულებრივ მარცხენა ვინგერად გვევლინება, მაგრამ ორივე ფლანგზე შეუძლია თამაში.
დაცვის ცენტრში "იუნაიტედს" კრის სმოლინგი, ფილ ჯონსი, ერიკ ბაიი, ვიქტორ ლინდელოფი და გამოჯანმრთელებული მარკოს როხო ჰყავს, რომელთა ნაწილიც საიმედო მცველად იქცა ნორვეგიელის ხელმძღვანელობისას, რაც კლუბს იმედს აძლევს, რომ მცველის შესაძენად სატრანსფერო რეკორდის დამყარება არ იქნება საჭირო.
კალიდუ კულიბალი სწორედ ასეთი საჭიროების კანდიდატი მცველია, რომელსაც "იუნაიტედი" მიმდინარე სეზონში აქტიურად აკვირდება.
კიდევ ერთი კანდიდატი კი, რომელიც "იუნაიტედის" სამიზნეს წარმოადგენს, ჰარი მაგუაიერია, თუმცა გასულ სეზონში "ლესტერმა" მასთან განშორება არ ისურვა.
წყარო:
espn