"იუნაიტედი" ბრაზილიელის შეძენას არ აპირებს.
როგორც მედიის სხვა წარმომადგენლები იუწყებოდნენ, "მანჩესტერ იუნაიტედი" ზაფხულს "ბარსელონას" ბრაზილიელი შემტევი ნახევარმცველის ფილიპე კოუტინიოს შეძენას შეეცდება, მაგრამ ამ ინფორმაციას არ ადასტურებს Independent-ი.\
გამოცემის ცნობით, "იუნაიტედი" არ გეგმავს კოუტინიოს ტრანსფერში ფულის გადახდას და მის ნაცვლად ავანსებს დორტმუნდის "ბორუსიას" ახალგაზრდა ტალანტის, ჯეიდონ სანჩოსთვის გასცემს.
"ინდეფენდენთის" წარმომადგენლები კლუბის წარმომადგენლებს დაუკავშირდნენ, რომელთაც აცნობეს, რომ "იუნაიტედი" არ საჭიროებს კოუტინიოს სათამაშო პოზიციის გაძლიერებას და ამის ნაცვლად ფლანგის მოთამაშის გადაბირებაზე გააკეთებს აქცენტს.
სანჩო სწორედ ამ პროფილს ერგება, რის გამოც ინგლისური გრანდი 80 მლნ. ფუნტის გადახდას აპირებს მის შესაძენად.
თუმცა, ასეთი სარფიანი შეთავაზებაც კი არ არის "ბორუსიასთვის" იმდენად მიმზიდველი წინადადება, რომ სანჩოს გაყიდვა დააპიროს. ბუნდესლიგის ჩემპიონობის პრეტენდენტებს მიაჩნიათ, რომ ჯეიდონი მათ რიგებში პროგრესირებს და კლუბისთვის დიდი სარგებლის მოტანა შეუძლია.
რაც შეეხება თავად სანჩოს, მას "სიგნალ იდუნა პარკზე" კიდევ ერთი სეზონის გატარება სურს, სანამ უფრო დიდი გამოწვევისთვის მოემზადება.
წყარო:
independent