"მანჩესტერ იუნაიტედის" ხელმძღვანელობა მარკუს რეშფორდისთვის ახალი კონტრაქტის შეთავაზებას აპირებს. Mirror-ის ცნობით, ახალი კონტრაქტის მიხედვით ახალგაზრდა ინგლისელის ანაზღაურება კვირაში 150 ათასი ფუნტი გახდება. ამჟამად 21 წლის ფორვარდი კვირაში 75 ათას ფუნტს გამოიმუშავებს.
წყაროს ინფორმაციით, რეშფორდის სიტუაციას ტურინის "იუვენტუსი", "პარი სენ-ჟერმენი", და მადრიდის "რეალი" აკვირდებიან, რომლებიც მზად არიან შეთავაზება ახალი კონტრაქტის გაფორმებამდე გააკეთონ.
21 წლის ფეხბურთელს კლუბთან მიმდინარე კონტრაქტი 2020 წლის ზაფხულამდე აკავშირებს, თუმცა "იუნაიტედის" ხელმძღვანელობამ კონტრაქტში შეიტანა პუნქტი, რომლის საშუალებითაც შეთანხმების კიდევ 12 თვით გახანგრძლივების საშუალება ექნებათ, რაც ნიშნავს, რომ მარკუსი "ოლდ ტრაფორდზე" მინიმუმ 2021 წლამდე დარჩება.
"მანჩესტერ იუნაიტედში" ინგლისელი შემტევის დებიუტი 2016 წლის თებერვალში შედგა, მას შემდეგ რეშფორდმა კლუბის მაისურით 160 შეხვედრა ჩაატარა და 43 გოლი გაიტანა.
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.