"მანჩესტერ იუნაიტედი" ოლე გუნარ სოლსკიაერის თაოსნობით წარმატებული სტატისტიკებისა თუ ციფრების დაფიქსირებას განაგრძობს. ჟოზე მოურინიოს წასვლის შემდეგ, ინგლისურმა გიგანტმა შესამჩნევად მოუმატა.

"წითელი ეშმაკების" შემტევებმა მეტოქე გუნდის კარის ჩარჩოს მიმართულებით დარტყმების სიზუსტე მკვეთრად გააუმჯობესეს და ევროპის წამყვანი ჩემპიონატებიდან საუკეთესო მაჩვენებელიც დააფიქსირეს.

"იუნაიტედს" სიზუსტის პროცენტული მაჩვენებელი 48,6-ს უტოლდება, რითაც ოლე გუნარის შეგირდები პირველ ადგილს იკავებენ.

მათ კატალონიური გრანდი "ბარსელონა" მოჰყვებათ, რომელთა შესრულებური დარტყმები მოწინააღმდეგის კარის მიმართულებით ზუსტი 48,3 % შემთხვევაში აღმოჩნდა.

მესამე ადგილზე კი ლუსიენ ფავრის "დორტმუნდის ბორუსია" განთავსდა 46,3%-ით.