ოლე გუნარ სოლსკიაერი დარწმუნებულია, რომ "იუნაიტედს" კვირის განმავლობაში ლაზარეთიდან ფეხბურთელები დაუბრუნდებიან.
შეგახსენებთ, რომ ბოლო დროის განმავლობაში გუნდს ათი ფეხბურთელი დააკლდა. კვირას შემადგენლობაში ნემანია მატიჩი და ენტონი მარსიალი დაბრუნდნენ. გარდა ამისა, შემადგენლობაში იყო როხოც.
მატჩის შემდეგ გამართულ პრესკონფერენციაზე ოლე გუნარმა ტრავმების შესახებ ისაუბრა და გულშემატკივარს გუნდის სიახლეები მიაწოდა "ვულვზთან" მატჩის წინ. ოლე გუნარს ჟურნალისტებმა ასევე ჰკითხეს თუ რომელ ჩემპიონატს მიანიჭებდა უპირატესობას, პრემიერ ლიგას, ინგლისის თასს, თუ ჩემპიონთა ლიგას, რაზეც პრესამ შემდეგი პასუხი მიიღო:
"არ ვფიქრობ, რომ არჩევა დაგვჭირდება. ტრავმები ცუდია, მაგრამ ამავდროულად მან სხვადასხვა ფეხბურთელს გზა გაუხსნა და მათ სათამაშო დრო მივეცით. თანაც ეს ფეხბურთელები უკვე ბრუნდებიან, შესაძლოა "ვულვზთანაც" კი იხილოთ."
"სანაკრებო შესვენების შემდეგ კი აუცილებლად მთელი შემადგენლობით დაგიბრუნდებით. ვფიქრობ, რომ ფეხბურთელებმა, რომლებსაც ძირითადი შემადგენლობის შეცვლა მოუწიათ, თავიანთ დავალებას ძალიან კარგად გაართვეს თავი. ყველაფრისთვის მზად ვიქნებით და სამივე ჩემპიონატში ღირსეულად ვიასპარეზებთ."
ასევე დამატებით გაცნობებთ, რომ პარასკევს გამართულ ვარჯიშზე იმყოფებოდნენ ანდერ ერერა, ხუან მატა და ჯესი ლინგარდიც. აქედან გამომდინარე, ტრიო სულ მალე დაბრუნდება.